IḶUAIAN 14:24 - Alkitab Singog In Mongondow Masa In Tanaa

²⁴ Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

IḶUAIAN 14:24 Mawu Ofanana

AYUB 22:13

Táe iko in moḻibóbí, “Onubí in kotaauan-Nea? Sia in kon ḻimako in goḷom bo diábí motaau monisig kon inaton.”

AYUB 34:20

Moonggot kon doḷom, mosia in motaaubí in daḻí matoi. Ki Allah in mohukum kon pongawasa bo moyopú in mosia; Diábí in roriga-Nea in moḻimod kon intau motorindog.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

AYUB 40:12

Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 48:5

Indoiaika, datu mita in moyosipun; mosia in mamangoi sin moibog monubu.

MAZMUR 78:14

Sia in nodia kon i monia inoḻiungan in goḷom kon dodai in singgai bo sinimbayagan in tuḷú kinoouput in doḷom.

MAZMUR 90:4

Kon ini-Mu toribu notaong in naonda bo tosinggai, singgai koḷabung inta ain noitaḻib; naonda bo tongooras kon poyoḻimbanan moḷukad kon dodai in doḷom.

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

SAMUEL 1 11:11

Nobangon monik, doḷo-doḷompa, ki Saul nosilaidon kon intau mita nobaḻí toḷu nopaanan. Bo naonda in nomukádon in singgai mosia nonubu kon yua-yuak in pinononḷoḷaigan in intau in Amon tatua bo nomarang kon i monia. Diápa noutu in singgai, tontara i Saul in nonaḷowdon kon musung. Intau mita in Amon inta nokoḷagui, nongoirangkap nodapot in diádon in tododoyowa mako in noḷagui noyotakin.