IḶUAIAN 14:22 - Alkitab Singog In Mongondow Masa In Tanaa

²² Tubig nosilai doyowa, bo kon dodai intau in Israel iḷumoḷan kon dagat, mosia minayá mayábí kon apad in dagat inta noingkag, bo tubig kon dotá in koḷoigi bo koḷanan notompompangdon naonda bo dinding.

IḶUAIAN 14:22 Mawu Ofanana

DATU MITA 2 2:14

bo nopomobak in jubah i Elia tatua kon tubig poḷat noguman, “Kon onda in ki Tuhan, Allah i Elia tatua?” Naonda in pinomobaknea mako in jubah tatua kon tubig in ongkag tatua, nosilai doyowa in tubig tatua bo minayá in sia in ḷoḷan.

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 106:9

Podudui kon parenta-Nea Dagat in Gelagah noingkag, Sia in nodia kon umat-Nea minayá nongin dagat, naonda bo minaya-mayá nongin padang gurun.

MAZMUR 136:13

Dagat in Gelagah binotak-Nea; tabi-Nea in umuran mononoi;

MAZMUR 136:14

Israel umat-Nea in dinia-Nea pinoḷoḷan; tabi-Nea in umuran mononoi.

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

IḶUAIAN 15:19

Kon tungkuḷ in intau Israel iḷumoḷan kon dagat, mosia in minayá-mayá kon apad in dagat inta noingkag. Táe naonda in kereta mita intau in Mesir takin kabaḷonea bo intau mita inta nodia sinumuot kon dagat, pinoyobuidon i Tuhan in tubignea nodapot in mosia nongoḷomot.

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

YESAYA 11:15

Ki Tuhan in monggiotbí kon Ḷuok in Suez. Baḻíon-Nea in tompot mopatú mogirup dá Ongkag in Eprat mobaḻí pitu notanga in tubig inta mobabow, bo batúan in intau mokoḷoḷanbí kon tua takin momaké in aip in sioḷ.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 43:16

Ki Tuhan in nomiadon kon daḷan tobatú nongin dagat, nongin tubig inta nobokoḷ.

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

YESAYA 63:13

Kon onda in ki Tuhan inta nodia kon i monia minayá nongin tubig inta noḻinow? Naonda bo kabaḷo nongin padang gurun, mosia in diábí kon dodai in onda in noipintud.”

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

PINOGIAPAN 33:8

Onda intua mosia nonaḷámai kon Pi-Hahirot, iḷumoḷan kon dagat bo sinumuot kon padang gurun Etam; naonda in toḷudon nosinggai kon binayáan, mosia nononḷoḷaigan kon Mara.

KORINTUS 1 10:1

Utatku mita, ibogonku moiko in diá mokoḻiong kon onu inta ain nobaḻí kon mogoguyang naton kon tungkuḷ in mosia dinumudui kon i Musa. Mosia komintan inoḻiungan in goḷom, bo nosaḷamat in iḷumoḷan kon Dagat Teberau.

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 4:22

dá potaaudon kon i monia kon umat in Israel iḷumoḷan kon Ongkag in Yordan tanaa nongin butá inta noingkag.

SAMUEL 1 25:16

Doḷom singgai mosia in noḷukad kon inami kon dodai in kami moḷukad kon bembé domba kon diug monia.