IḶUAIAN 14:21 - Alkitab Singog In Mongondow Masa In Tanaa

²¹ Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

IḶUAIAN 14:21 Mawu Ofanana

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

AYUB 26:12

Baḷangon pinotungkud pinongin kawasa-nea bo ki Rahab in binongkug doman in pandoi-Nea.

AYUB 38:24

Kinotaauanmu degá in tampat pomukaan in mata in singgai? andeka nongkon onda degá in tompot in pomukaan?

MAZMUR 136:13

Dagat in Gelagah binotak-Nea; tabi-Nea in umuran mononoi;

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 74:13

Pinongin ropot inta totok in motoyang binotak-Mu in dagat, bo noḷosi kon uḷu in naga mita in dagat.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:16

Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

IḶUAIAN 14:20

kon sigadon in tontara mita in Mesir bo intau mita Israel. Goḷom tatua nokopomukádon kon sindip, dá tonggobii tua doyowa nopaanan tatua diá motaau mosidiugan.

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

YESAYA 43:16

Ki Tuhan in nomiadon kon daḷan tobatú nongin dagat, nongin tubig inta nobokoḷ.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

YESAYA 51:15

Sin Akuoibí in ki Tuhan Allahmu, inta nopoḻimbok in dagat dá bokoḷnea in motorauk mako. Inta Totok in mokawasa tuata in tangoi-Ku.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

YESAYA 63:13

Kon onda in ki Tuhan inta nodia kon i monia minayá nongin tubig inta noḻinow? Naonda bo kabaḷo nongin padang gurun, mosia in diábí kon dodai in onda in noipintud.”

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

YOSUA 2:10

Kinodongogandon nami in habar kon naonda in ki Tuhan nopoingkag kon Dagat in Gelagah kon tayowon monimu, kon tungkuḷ in moiko nonaḷámai kon Mesir. Dinongog domandon nami naonda in pinoḷoḻimod monimu kon i Sihon bo kon i Og, datu doyowa in bangusa Amori tatua kon dotá in pomukaan kon Ongkag in Yordan.

YOSUA 4:23

Ouman kon i monia kon ki Tuhan Allahmu nopoingkag kon tubig in Ongkag in Yordan tatua sin bayáan monimu nodapot in moiko komintan noyaputdon kon ḷoḷan, naonda bo pinogogingkag-Nea kon Dagat in Gelagah sin bayáan nami,