IḶUAIAN 14:17 - Alkitab Singog In Mongondow Masa In Tanaa

¹⁷ Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 14:17 Mawu Ofanana

KINOBAḺIAN 50:9

Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

KINOBAḺIAN 9:9

“Tanaa Akuoi in mogaid kon dodandian-Ku takin i monimu bo takin buímu,

IḶUAIAN 14:23

Intau in Mesir takin bayongan kabaḷo, kereta bo mododianea umuran nogaḷow bo dinumudui kon intau Israel nongin yuak in dagat.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 14:8

Totuubí kon pinopotontogatdon i Tuhan in gina, nodapot in inaḷowanneadon in intau mita Israel inta kon bonu in binayáan monaḷá kon butá in Mesir takin koḷuka-ḷukad i Tuhan.

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 4:23

bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”

IḶUAIAN 7:3

Táe baḻíon-Ku in datu motogat in gina. Iko in diábí pandungonneamai, umpakabí Akuoi mopoangoi in bodito mobarong kon butá in Mesir.

YESAYA 48:15

Akuoibí in inta noguman kon tua bo inta nogoiní kon inia, inta nokapit kon inia nodapot in sia nokodapot kon inta pinoki aid.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YEREMIA 23:39

dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 34:11

Ki Tuhan Inta Totok in moḷantud in noguman, “Tayakon-Kudon tontaní in domba-Ku mita bo tompiaan in mosia,

YEHEZKIEL 34:20

Tuamai, Akuoi, ki Tuhan Inta Totok in moḷantud moguman kon inimu, ei domba mita inta noḷongó, kon Akuoi in mamangoibí bo mobaḻí hakim kon sigad in domba mita inta moropot bo domba mita inta noḻemé.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

YEHEZKIEL 6:3

Pokiindongogaidon in mosia bo pokitaridiai kon onu in poguman-Ku, ki Tuhan Inta Totok in moḷantud kon buḷud mita tatua, bo kon tombuḷud doman mita, kon irang mita bo kon ḷopá mita. Totuu, Akuoi in mopoangoibí in kedang sin morimumud kon pososumbaan kon berhala.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

SURAT I PAULUS KON JAMAAT RUM 9:18

Dá ki Allah in motabi kon intau inta kinoibog-Nea. Bo popotogaton-Nea in gina intau tobatú aka tua in kino ibog-Nea doman.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

HAKIM MITA 4:7

Bain baḻíon-Ku in ki Sisera, panglima in parang i Yabin tua, mamangoi kon i monimu kon Ongkag in Kison takin tontaranea bo kereta mita in parangnea sin momarang kon i monimu. Táe popountung-Kubí in moiko kon poparangan tatua.’ ”

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.