IḶUAIAN 14:14 - Alkitab Singog In Mongondow Masa In Tanaa

¹⁴ Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

IḶUAIAN 14:14 Mawu Ofanana

TAWARIKH 2 20:15

bo noguman in sia, “Tuang inta momulia takin bayongan utat mita. Ki Tuhan in noguman kon moiko in dikabí kobuḻian in kamang andeka moondok in monayow kon tontara inta mobayong tatua. Sin deemanbí moiko in moparang táe ki Allahbí.

TAWARIKH 2 20:17

Moiko in diá bidon paraḷu moropatoi kon bonu in parang tanaa. Bayádon kon tampat inta ain sinantú kon inimu bo oḷatdon kon tua. Moiko in mokoontongbí kon ki Tuhan in mobogoi in kauntungan kon i monimu. Ei intau in Yohuda bo Yerusalem, dikadon moḻia-ḻiaw in gina andeka moondok. Bayádon kon parang tatua, ki Tuhan in motuḷungbí kon i monimu!”

TAWARIKH 2 20:29

Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

NEHEMIA 4:20

Dá aka moiko mokodongog kon singog in torompet, ḷagidon poyosipun kon ḻibumai nami kon naa. Ki Allah naton in moparangbí sin kopontingan naton.”

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

MAZMUR 50:3

Ki Allah naton in namangoi bo tongá kibio-biómai, Sia in inunaan in tuḷú inta modilá, bo iḻibu in deḷang inta motoyang.

MAZMUR 83:1

Mazmur i Asap: Tobatú dondong.

IḶUAIAN 14:15

Guman i Tuhan kon i Musa, “Nongonu sin iko in mokuanibí mokituḷung? Potabádon intau Israel mongingguput kon bobayáan monia!

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

IḶUAIAN 15:3

Ki Tuhan in pojuang inta totok moropot, Ki Tuhan, tuata in tangoi-Nea.

YESAYA 30:15

Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí!

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

ULANGAN 3:22

Dika moondok kon i monia, sin ki Tuhan Allahmu in motuḷungbí kon inimu.”

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.

YOSUA 10:14

Diábí kon dodai in onda in nobaḻí in ná singgai tatua, bo diá bidon bui mobaḻí in ná singgai tatua, kon ki Tuhan in dinumudui kon ibog in intau. Ki Tuhan notuḷung kon Israel noparang!

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

YOSUA 23:3

Moiko in ain nokoontong kon bayongan inta inaidan i Tuhan Allahmu kon bayongan bangusa kon naa sin kopiaan monimu. Inta noparang noyotakin monimu in ki Tuhan Allahmubí tontaní.

HAKIM MITA 5:20

Tundi mita sinumakin doman noparang nonayow kon i Sisera, nongkon tampat monia kon toḷungayá.

SAMUEL 1 4:7

inagían in ondok in mosia, bo poḷat noguman, “Oyúon in dewa in namangoi kon pinononḷoḷaigan monia! Mobodito in kita! Diápa kon dodai in onda in kita noiyitak kon ná tanaa!