IḶUAIAN 14:10 - Alkitab Singog In Mongondow Masa In Tanaa

¹⁰ Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

IḶUAIAN 14:10 Mawu Ofanana

TAWARIKH 2 18:31

Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

NEHEMIA 9:9

Inindoian-Mu in roriga in mogoguyang nami kon tungkuḷ intua; Inindongogan-Mu in ombaḷnea kon Mesir bo kon Dagat in Teberau.

MAZMUR 106:44

Táe ki Tuhan in nokidongog kon karak monia, Sia in nonaridi kon susa monia.

MAZMUR 107:13

Kon bonu in susa mosia nokuani kon i Tuhan, bo pinoḷuat-Nea in mosia kon roriga.

MAZMUR 107:19

Kon bonu in susa, mosia in nokuani kon i Tuhan, bo pinoḷuat-Nea in mosia nongkon roriga.

MAZMUR 107:28

Kon bonu in susa mosia nokuani kon i Tuhan, bo pinoḷuat-Nea in mosia nongkon roriga.

MAZMUR 107:6

Kon bonu in susa mosia in nokuani kon i Tuhan, bo pinoḷuat-Nea in mosia kon roriga.

MAZMUR 34:17

Táe intau inta mogaid kon moraat in doíon-Nea; aka matoi in mosia yo baḷú koḻiongan.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

MAZMUR 81:7

“Ininggamáan-Kudon in onu inta pinotaanmu, bo noḷuat doman kon karansi inta sinombuḻiganmu.

IḶUAIAN 13:17

Naonda in datu in Mesir nobogoidon kon bangusa Israel minayá, ki Allah in diábí nodia kon i monia sinumaḻib nongin daḷan inta moitaḻib kon butá intau in Pilistin, umpaka tua in daḷan inta totok in modiug. Ki Allah in norai nanaa, “Dika-dikabo intau mita tatua momanasaḷ aka mosia in musti moyogintayow in parang modapot in mosia mobui mayá in Mesir.”

IḶUAIAN 15:25

Ki Musa nosambayangdon kon i Tuhan, bo ki Tuhan nopoontongdon in kayu toputoḷ kon inia. Kayu tatua pinogambat i Musa kon bonu in tubig tatua, bo tubig tatua in nobaḻídon nopira in nanamnea, dá motaaudon inumon. Kon tampat tatua ki Tuhan nobogoi in atorang mita kon i monia, bo kon tua doman Sia nonungkuḷ kon i monia.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YEREMIA 22:23

Moiko in mogutun moaman iḻibu in oigi mita in kayu ḷokuyú in Libanon, táe kon singgai moiduduimai aka moiko kotugatan in inta mokonakit, moiko in mororigabí naonda bo bobay inta koyogot in mononggadí.”

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

YOSUA 24:6

Akuoi in nodia kon mogoguyangmu tua iḻumuai nongkon Mesir, bo intau in Mesir nondudur kon i monia takin kereta in parang bo tontara inta sinumakoi kon kabaḷo. Bo naonda in mogoguyang monimu nodapot kon Dagat in Gelagah,

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.

YOHANES 1 4:18

Intau inta nobiag kon bonu in totabi i Allah, diábí angoian ondok, sin tabi inta mosompurna in monginggamádon kon bayongan ondok. Dá kotaauan bidon, aka intau bo moondokpa in tumayow kon Singgai Ponantúan yo intau tatua in diápa notarima kon tabi inta nosompurna nongkon i Allah.