IḶUAIAN 13:12 - Alkitab Singog In Mongondow Masa In Tanaa

¹² moiko in musti moposumba in adí monimu ḷoḷaki inta guya-guyang bo bayongan bobiagon koḷakian inta muna pinogadí. Tua komintan ki Tuhan in kitogi,

IḶUAIAN 13:12 Mawu Ofanana

NEHEMIA 10:36

Kami in modiabí kon adí nami ḷoḷaki inta guya-guyang kon imang mita inta kon Baḷoi Tuhan sin posarakan kon i Allah, podudui in atorang in hukum. Kami in mobogoi doman in ki adí in sapi, ki adí in domba andeka ki adí in bembé nami inta dungkuḷ totok pinononggadí.

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

IḶUAIAN 13:1

Ki Tuhan noguman kon i Musa,

IḶUAIAN 13:2

“Posumbadon in bayongan adí ḷoḷaki inta guya-guyang kon i-Nakó. Bayongan in adí ḷoḷaki guya-guyang Israel, bo bayongan in bobiagon koḷakian inta muna pinogadí, tua in Akuoi in kitogi.”

IḶUAIAN 22:28

Dika mogodi-godimai kon i Allah bo kon itoi in bangusamu.

IḶUAIAN 22:29

Kon wakutu inta ain sinantú, pobogoibí in sosumba kon i-Nakó inta nongkon boyó in gandummu, ande in anggurmu bo ḷana in zaitunmu. Posarakaidon kon i-Nakó in ki adí monimu mita ḷoḷaki inta guya-guyang,

IḶUAIAN 34:19

Bayongan adí ḷoḷaki inta guya-guyang bo bobiagon koḷakian inta muna pinogadí tua in Akuoibí in kitogi,

IḶUAIAN 34:20

táe moiko musti motobut kon ki adí in keledai inta muna pinogadí takin moposumba in ki adí in domba tobatú inta mobaḻí toḻiunea. Aka moiko doí motobut kon tua, yo sigogow in keledai tatua musti putoḷon monimu. Bayongan adí monimu ḷoḷaki guya-guyang musti tobuton monimu. Diá tobatúmai intau motaau mamangoi kon i-Nakó aka sia diá modia kon sosumba.

YEHEZKIEL 16:20

Onda intua pinosumbamu in ki adí mita naton, ḷoḷaki bo bobay, nobaḻí kuruban kon berhala mita. Diápa doman degá tugat in diá kotoinduduimu kon i-Nakó?

YEHEZKIEL 44:30

Imang mita in mustibí ogoian in tonsilai inta totok in mopia nongkon bayongan bungai in boyó inta muna, bo nongkon onuka inta pinosumba kon i-Nakó. Pomuḷoi in bangusa in Israel momia kon roti, dá roti inta muna inaidan tua in ogoibí kon imang mita. Dá Akuoi in momarakatbí kon baḷoi mita in bangusa in Israel.

IMAMAT 27:26

Biag inta muna pinogadí in mobaḻíbí kapunyaan i Tuhan, dá diábí motaau posumba mobaḻí kuruban ibog tontaní. Adí in sapi, adí in domba ande adí in bembé inta muna pinogadí in kapunyaanbí i Tuhan.

PINOGIAPAN 18:15

Bayongan inta muna pinononggadí kon sigad in intau andeka bobiagon inta pinosumba in intau Israel kon i-Nakó, tua in nobaḻí silaimu. Táe musti tobuton monimu in adímu mita inta guya-guyang, bo adí mita in bobiagon inta haram inta pinogadí muna.

PINOGIAPAN 3:12

“Tanaa in intau mita in Lewi piniḻí-Ku nobaḻí Akuoi in kitogi. Kon tungkuḷ nodait-Ku iḻimod in adí guya-guyang in bangusa Mesir, sinondí-Kudon kon i-Nakó in bayongan adí guya-guyang ḷoḷaki in bangusa Israel bo bayongan in bobiagon monia inta pinogadí muna. Tua komintan in Akuoibí in kitogi. Nobaḻí toḻiu in adí ḷoḷaki guya-guyang in intau Israel, dá ginamá-Kudon intau in Lewi; mosia in mobaḻí kapunyaan-Ku. Akuoi in ki Tuhan.”

PINOGIAPAN 8:17

Kon dodai in Akuoi noḻimod kon bayongan adí guya-guyang kon Mesir, yo adí ḷoḷaki guya-guyang kon sigad intau Israel bo bayongan bobiagon inta pinogadí muna tua in binaḻí-Kudon kapunyaan-Ku.

LUKAS 2:23

Sin oyúon pinais kon bonu in hukum i Tuhan, nanaa, “Komintan adí ḷoḷaki guya-guyang mustibí posarakan kon i Tuhan.”

ULANGAN 15:19

“Adí in sapi bo bembé domba koḷakian inta muna pinogadí mustibí posumba kon i Tuhan Allahmu. Sapi tatua in diábí motaau in pakéon pomajeko, bo domba in diábí motaau in gonsingan.