IḶUAIAN 12:49 - Alkitab Singog In Mongondow Masa In Tanaa

⁴⁹ Atorang inta notongkai popoaid doman kon intau Israel taakan bo kon intau ango-angoi inta nogutundon notantú kon sigad monimu.”

IḶUAIAN 12:49 Mawu Ofanana

IḶUAIAN 12:50

Bayongan intau Israel motoindudui bo nogaid kon bayongan inta pinarenta i Tuhan kon i Musa bo kon i Harun.

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

IMAMAT 24:22

Hukum tatua popoaid kon i monimu komintan bo kon intau doman ango-angoi inta nogutun kon sigad monimu, sin Akuoi in ki Tuhan, Allahmu.”

PINOGIAPAN 15:29

Atorang tatua moipakébí kon i inekabí inta diá sinumuod nomia kon dosa, pinomayá sia tua intau in Israel andeka intau ango-angoi inta nogutun notantú kon sigad monia.

PINOGIAPAN 35:15

Kotá onom tatua mobaḻí kotá pogogadopan monimu, intau in Israel, bo kon intau ango-angoi andeka inta nogutun notantú kon yua-yuak monimu. Ki inekabí inta diá sinumontuon noḻimod kon intau ibanea, motaaubí in mayá moḷagui kon tobatú in kotá tatua.

PINOGIAPAN 9:14

Aka kon sigad monimu bo oyúon in intau ango-angoi inta moibog moraya kon Paska, dá musti rayaannea podudui in bayongan atorang bo onu inta ain sinantú. Hukum tatua in pakéon kon bayongan intau, pinomayá intau Israel andeka intau ango-angoi.”

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!