IḶUAIAN 12:47 - Alkitab Singog In Mongondow Masa In Tanaa

⁴⁷ Bayongan intau israel musti mogaid kon rame tatua.

IḶUAIAN 12:47 Mawu Ofanana

IḶUAIAN 12:3

Potaaudon in parenta tanaa kon bayongan bangusa Israel: Kon tanggal mopuḷú buḷan tanaa, intau mita ḷoḷaki in musti moratá kon ki adí in domba tobatú sin kaanon moyotakin in intau kon bonu in baḷoi.

IḶUAIAN 12:6

Biag tatua in tagúonpa monimu kon tua dapot in tanggal mopuḷú bo opat. Kon singgai tatua, moḷolabungmai bayongan umat Israel musti moratá kon ki adí in domba tatua.

PINOGIAPAN 9:13

Tongá intau inta diá nonajis bo diá doman kon binayáan, táe diá nomia kon pinorayaan Paska, yo intau tatua in diá bidon poyoiapon-Ku umat-Ku, sin sia in diá noposumba in kuruban kon i-Nakó kon wakutu inta ain sinantú. Intau tatua musti mobaba kon bungai in dosanea.

PINOGIAPAN 9:14

Aka kon sigad monimu bo oyúon in intau ango-angoi inta moibog moraya kon Paska, dá musti rayaannea podudui in bayongan atorang bo onu inta ain sinantú. Hukum tatua in pakéon kon bayongan intau, pinomayá intau Israel andeka intau ango-angoi.”