IḶUAIAN 12:43 - Alkitab Singog In Mongondow Masa In Tanaa

⁴³ Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

IḶUAIAN 12:43 Mawu Ofanana

TAWARIKH 2 30:18

Koḻikud intua, kon sigad in intau mita in Epraim, Manasye, Isakhar, bo Zebulon, nobayong in namangoi táe diá muna nopotusi in awak. Dá, mosia in norame kon Paska tatua takin diá dinumudui kon sarat. Tuamai in ki Datu Hizkia in nosambayang sin kopontingan monia, kainia,

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 12:48

Intau inta diá sinoit diá motaau mokaan kon kaanon rame tatua. Aka intau ango-angoi inta ain nogutun notantú kon i monimu moibog moraya kon Paska sin mohoromat kon i-Nakó, ki Tuhan, yo bayongan in ḷoḷaki kon bonu in baḷoinea musti munapa toiton. Mopaḷut mako kon tua mosia inanggap ná intau Israel taakan, bo motaaudon tumakin kon poramean singgai moḷoben Paska.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

IMAMAT 22:10

Sosumba inta ain sinantú kon i-Nakó tongábí motoḷuadí i imang in motaau mokaan; intau ibanea in diábí motaau mokaan kon tua, umpakabí intau tatua nogutun tobaḷoian i imang tatua ande intau inta sinokotondanannea.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

PINOGIAPAN 9:14

Aka kon sigad monimu bo oyúon in intau ango-angoi inta moibog moraya kon Paska, dá musti rayaannea podudui in bayongan atorang bo onu inta ain sinantú. Hukum tatua in pakéon kon bayongan intau, pinomayá intau Israel andeka intau ango-angoi.”

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.