IḶUAIAN 12:38 - Alkitab Singog In Mongondow Masa In Tanaa

³⁸ Nodia in mosia kon nobayong in sapi, domba bo bembé. Nobarong doman intau ango-angoi in dinumudui.

IḶUAIAN 12:38 Mawu Ofanana

NEHEMIA 13:3

Naonda in kinodongogan in bangusa Israel intua, sinondídon monia in bayongan in intau ango-angoi nongkon intau mita in Israel.

IḶUAIAN 10:9

Tubag i Musa, “Kami komintan, pinomayá inta nobagupa ande inta noguyangdon. Kami in modia kon adí mita nami, bayongan in sapi, domba, bo bembé nami, sin musti in kami mogaid kon bobutungan moḷoben tobatú sin mohoromat kon i Tuhan.”

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

IMAMAT 24:10

Kon ḷoḷaigan intau Israel oyúon in ḷoḷaki tobatú. Ki amánea intau in Mesir bo ki inánea intau in Israel tangoinea ki Selomit, ki adí i Dibri nongkon suku Dan. Kon singgai tobatú sia norogenggeng takin intau Israel kon ḷoḷaigan. Kon dodai in sia norogenggeng, sia nogodi-godimai kon i Allah. Tuamai intau mita Israel nodia kon inia pinobayá kon i Musa,

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

PINOGIAPAN 20:19

Intau Israel noguman, “Kami in mongin daḷanbí moḷoben, bo aka kami andeka bobiagon nami monginum kon tubig monimu, yo uboḻianbí nami. Kami in tongábí tumaḻib.”

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

ULANGAN 3:19

Tongá adí bo buḷoimu takin bobiagonmu inta mobayong motaaubí in mogutun kon kotá mita inta ain inogoiku kon inimu.

YOSUA 8:35

Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.