IḶUAIAN 12:37 - Alkitab Singog In Mongondow Masa In Tanaa

³⁷ Intau Israel nobuat bo minaya-mayá in sioḷ nongkon kotá in Raamses nopobayá in kotá Sukot. Kobayong monia tua in 600.000 noribu intau, diá bidon pinoyoiap in bobay bo adí mita.

IḶUAIAN 12:37 Mawu Ofanana

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

KINOBAḺIAN 47:11

Ki Yusup notuḷung kon i amá bo kon i utatnea mita nogutundon notantú kon Mesir. Sinilainea in mosia in butá inta totok mopia kon sigad in butá kon tua inta kon diug in kotá in Rameses, podudui in parenta i datu.

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 10:9

Tubag i Musa, “Kami komintan, pinomayá inta nobagupa ande inta noguyangdon. Kami in modia kon adí mita nami, bayongan in sapi, domba, bo bembé nami, sin musti in kami mogaid kon bobutungan moḷoben tobatú sin mohoromat kon i Tuhan.”

IḶUAIAN 13:20

Intau Israel nobuat kon Sukot bo nononḷoḷaigan kon kotá in Etam, kon bingkí in padang gurun.

IḶUAIAN 38:26

Kobayongnea tatua notongkai in onu inta inuboḻian in bayongan intau podudui in kobayong intau inta iniap tungkuḷ intua. Bayongan intau moguboḻi pinodudui kon onu inta ain sinantú, sinimbang podudui in simbangan inta pinaké. Kon bonu in pinogiapan tatua pinais in kobayong intau ḷoḷaki inta umur doyowa nopuḷú notaong bo namonik in 603.550 in kobayongnea.

PINOGIAPAN 1:2

“Kamunda i Harun musti mogiap kon bayongan in umat Israel, podudui in suku bo inanakan monia. Paisdon in tangoi in bayongan ḷoḷaki

PINOGIAPAN 11:21

Bo ki Musa noguman kon i Tuhan, “Bangusa inta diniaku naa kobayongnea 600.000 intau. Yo naondabí Iko mobarani moguman kon ogoian-Mu in ponoyá in mosia inta tugat kaanon monia kon bonu in tobuḷan?

PINOGIAPAN 2:32

Kobayong intau Israel inta pinais kon bonu in pinonobatúan mita podudui in tontara mita monia tontaní, kobayongnea in 603.550 in intau.

PINOGIAPAN 26:51

Kobayong in ḷoḷaki mita intau in Israel in 601.730.

PINOGIAPAN 33:3

Bangusa Israel nonaḷámai kon Mesir kon singgai impuḷú bo ḻima buḷan imitánea, tosinggai kon naonda in nopaḷut mako in Paska inta muna-munamai. Kon bonu in totuḷung i Tuhan mosia nonaḷámai kon kotá in Rameses, koonto-ontong in bangusa Mesir,

PINOGIAPAN 33:5

Naonda in bangusa Israel nonaḷámai kon Rameses, mosia nononḷoḷaigan kon Sukot.