IḶUAIAN 12:29 - Alkitab Singog In Mongondow Masa In Tanaa

²⁹ Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.

IḶUAIAN 12:29 Mawu Ofanana

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

AYUB 34:20

Moonggot kon doḷom, mosia in motaaubí in daḻí matoi. Ki Allah in mohukum kon pongawasa bo moyopú in mosia; Diábí in roriga-Nea in moḻimod kon intau motorindog.

MAZMUR 105:36

Bo iḻimod-Nea in adí mita ḷoḷaki inta guya-guyang kon bayongan in motoḷuadí in intau in Mesir.

MAZMUR 135:8

Kon Mesir Sia in noḻimod kon bayongan in adí guya-guyang pinangkoi kon intau nodapot in bobiagon.

MAZMUR 136:10

Iḻimod-Nea in adí mita guya-guyang in Mesir; tabi-Nea in umuran mononoi.

MAZMUR 78:50

Sia in diábí nonahang kon torú-Nea andeka notabi kon kobiagan monia, táe noyopú kon i monia pinongin takit dumodakit.

MAZMUR 78:51

Sia in noḻimod kon adí mita guya-guyang kon batúan in motoḷuadí in Mesir.

IḶUAIAN 11:1

Ki Tuhan noguman kon i Musa, “Tobatúpa in bodito in popouma-Ku kon i datu in Mesir bo rayatnea. Mopaḷut mako kon tua ogoineadon in moiko mayá. Nodapot in poguntunonnea in moiko komintan nongkon naa.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 13:15

Kon tungkuḷ in ki datu in Mesir motontogat in gina bo doí mobogoi kon i naton mayá, ki Tuhan noḻimod kon bayongan adí ḷoḷaki inta guya-guyang kon Mesir, pinomayá ki adí intau ande ki adí in biag. Tuamai kita mopokuruban kon i Tuhan in bayongan bobiagon koḷakian inta muna pinogadí, táe tobuton naton in ki adí mita naton inta guya-guyang.’

IḶUAIAN 4:23

bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”

IḶUAIAN 9:6

Nopoikoḷomai kon singgai ki Tuhan nogaid kon ná inta ain pinoguman-Nea. Bayongan in bobiagon intau in Mesir minatoi, táe bobiagon intau Israel diábí tobatúmai in minatoi.

YESAYA 24:22

Mosia in sipunonbí moyotakin naonda bo intau mita in ponjara kon bonu in bubú, bo pobonu kon ponjara modapot in moiangoi in wakutunea hukumon.

YESAYA 41:11

Indoiai, bayongan intau inta tumorú kon inimu, in taḷowon bo mooyá-oyádon. Intau mita inta moḷawang kon inimu, in moyopú bo modait kosimpatan.

YESAYA 51:14

Intau mita inta dinakop in ḷagidon poḷuaton; mosia in diábí kodaitan in kaanon, bo diábí matoi bo ḷobongon.

YEREMIA 38:13

Bo inugut pinoonik monia in akuoi, iḻumuai nongkon parigí tatua. Nopaḷut mako kon tua akuoi sinahang kon palas in komaḻig.

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

HABAKUK 3:5

Pinotabá-Mu in panyaki minayá inumuna kon ini-Mu bo popatoi in dumuduianmai kon tumi-Mu.

ZAKHARIA 9:11

Ki Tuhan in noguman kon umat-Nea, “Pinodoyon kon dodandian inta pinomia-Ku takin i monimu, dodandian inta pinosah in dugú in kuruban sosumba, poḷuat-Kudon in rayatmu inta nororiga kon pinoḷumbúan naonda bo intau inta kon bonu in parigí inta noingkag.

PINOGIAPAN 33:4

inta koyogot moḷobongmai kon i adí mita guya-guyang monia inta iḻimod i Tuhan. Oaid tatua, pinoponiataan i Tuhan kon Siabí in moropo-ropot nongkon ilah mita in Mesir.

PINOGIAPAN 8:17

Kon dodai in Akuoi noḻimod kon bayongan adí guya-guyang kon Mesir, yo adí ḷoḷaki guya-guyang kon sigad intau Israel bo bayongan bobiagon inta pinogadí muna tua in binaḻí-Kudon kapunyaan-Ku.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.