IḶUAIAN 12:28 - Alkitab Singog In Mongondow Masa In Tanaa

²⁸ Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 12:28 Mawu Ofanana

SAMUEL 2 5:25

Inaidan i Daud onu in pinoki aid i Tuhan, bo kinountunanannea in intau in Pilistin nongkon Geba nodapot kon Gezer.

DATU MITA IMITÁNEA 17:5

Dinumudui in ki Elia kon parenta i Tuhan tatua, bo minayá in tapá in Kerit poḷat nogutun kon tua.

IḶUAIAN 12:27

Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

IḶUAIAN 12:29

Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.

IḶUAIAN 12:35

Inaidan doman monia onu inta pinoguman i Musa, mosia noigum kon ḷambá buḷawan bo saḷaka takin pakeang mita kon intau in Mesir.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 36:1

Ki Bezaleel, ki Aholiab, bo bayongan mogogimok inta nokouḻí kon pandoi bo koahlian nongkon i Tuhan, nonotaau kon bayongan inta toko pakéon kon Ḷoḷaigan i Tuhan. Mosia in musti momia kon bayongan yagi-yagi ná inta ain pinarenta i Tuhan.”

IḶUAIAN 39:32

Kinotontumiannea noḷapatdon in bayongan oaidan momia kon Ḷoḷaigan i Tuhan. Intau Israel ain nogaid kon bayongan yagi-yagi ná inta pinarenta i Tuhan kon i Musa.

IḶUAIAN 39:42

Intau mita in Israel ain nogaid kon tua mita notongkai ná inta pinoki aid i Tuhan kon i Musa.

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

IḶUAIAN 7:10

Dá minayádon in ki Musa bo ki Harun kon tayowon i datu bo nogaid kon onu inta pinoki aid i Allah. Ki Harun nopogarab in tungkudnea kon butá kon tayowonmai i datu bo pogawainea mita, bo tungkud tatua nobaḷui nobaḻí uḷag.

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

IMAMAT 24:23

Naonda in nopaḷut mako in ki Musa nopotaau in tosingogon tatua kon bangusa Israel, mosia nodia kon intau inta nogodi-godimai kon i Allah tatua pinoḷuai kon ḷoḷaigan bodongka inarab in batu dapot in minatoi. Tua in pinomia in intau Israel podudui in parenta i Tuhan kon i Musa.

PINOGIAPAN 1:54

Dá intau Israel nogaidon kon bayongan inta pinoguman i Tuhan kon i Musa.

PINOGIAPAN 31:31

Ki Musa bo ki Imang Eleazar nogaid kon ná inta pinarenta i Tuhan.

PINOGIAPAN 31:41

Bo ki Musa nopoabatdon in sosumba inta ain sinondí tua kon i Imang Eleazar sin posumba kon i Tuhan, ná inta ain pinarenta i Tuhan.

PINOGIAPAN 31:47

Ná inta ain pinarenta i Tuhan, ki Musa nogamá kon tumongo batu kon pomuḷoi in ḻima nopuḷú in intau inta sinoko dakop kon parang bo bobiagon mita, bo pinosarakan kon intau mita in Lewi inta nopobayá in oaidan kon Ḷoḷaigan i Tuhan.

PINOGIAPAN 5:4

Intau in Israel dinumudui kon parenta tatua bo nopoḷuai in bayongan intau ná tatua nongkon ḷoḷaigan.

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

YOSUA 14:5

Umat in Israel nosilai kon butá tatua pinodudui kon ná inta pinotaau i Tuhan kon i Musa.

YOSUA 2:21

Noibog in ki Rahab kon dodandian tatua bo inogoineadon in mosia minayá. Onda intua pinopotogotneadon in tontogot nopura tatua kon jandelanea.

YOSUA 4:8

Taya mopuḷú bodoyowá tatua nogaidon kon onu inta pinarenta i Yosua. Pinodudui kon topotundú i Tuhan kon i Yosua, mosia nogamá kon batu mopuḷú bodoyowá kon yua-yuak in ongkag in Yordan – kobayongnea in ná doman kobayong in suku mita kon bangusa Israel – bodongka dinia monia kon tampat pinononḷoḷaigan monia.