IḶUAIAN 12:27 - Alkitab Singog In Mongondow Masa In Tanaa

²⁷ Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

IḶUAIAN 12:27 Mawu Ofanana

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 2 20:18

Dá sinumungkudon in ki Datu Yosapat. Bayongan in rayat dinumudui doman kon inia sinumungkud nosumba kon i Tuhan.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

NEHEMIA 8:6

Ki Ezra in noguman, “Dinayo-dayowdon in ki Tuhan, Allah inta moḷoben!” Bayongan in rayat notonggó kon ḻima kinoḷantud bo notubag, “Amin, amin!” Bo mosia in sinumungkud nosumba kon i Allah.

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

MAZMUR 78:5

Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

IḶUAIAN 10:2

bo bá motaau oumanonmu kon i adí bo kon i ompumu kon naonda in bangusa Mesir pinoyambá-Ku takin nogaid kon inta mokoherang mita tatua. Dá kotaauandon monimu komintan kon Akuoibí in ki Tuhan.”

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 12:23

Kon dodai in ki Tuhan modondaḷoi kon butá tanaa sin moḻimod kon intau mita in Mesir, ki Tuhan in mokoontong kon dugú inta kon oigi ḷoḻingkop doyowa bo kon ngara kon dotá in ḻimonik; dá tongá taḻiban-Nea mako natua bo diá ogoi-Nea in Malaekat Maut tumuot kon baḷoimu sin moḻimod kon i monimu.

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:8

Kon pomangkoian porayaan tatua moiko in musti mongonguman kon i adímu inta ḷoḷaki kon bayongan tua in pinomia sin monorop kon bayongan inta ain inaidan i Tuhan kon inimu kon tungkuḷ in moiko nonaḷámaidon kon butá in Mesir.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

IḶUAIAN 34:8

Kon dodai doman tatua ki Musa dinumokó nosumba.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

KORINTUS 1 5:7

Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubí kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻí domba in Paska naton aindon pinokuruban.

ULANGAN 16:2

Bayádon kon tampat inta piniḻí i Tuhan kon porataan kon tobatú bembé domba ande sapi mobaḻí sosumba Paska sin mohoromat kon i Tuhan Allahmu.

ULANGAN 16:5

Bobiagon inta pakéon kon Singgai Moḷoben Paska musti ratáan kon tampat inta ain piniḻí i Tuhan Allahmu, bo diábí motaau in kon tampat ibanea kon bayongan butá inta inogoi-Nea kon inimu. Tua in mustibí aidan monimu kon dodai in mata in singgai tumoyop, ná kon tungkuḷ in moiko nonaḷámai kon butá in Mesir.