IḶUAIAN 12:21 - Alkitab Singog In Mongondow Masa In Tanaa

²¹ Ki Musa nogoiní kon bayongan itoi intau Israel bo noguman kon i monia, “Bayádon bo pogamá kon tonsilai in tombonu in baḷoimu ki adí in domba tobatú sin pakéon kon porayaan Paska.

IḶUAIAN 12:21 Mawu Ofanana

DATU MITA 2 23:21

Onda intua ki Datu Yosia in nomarenta kon rayat moraya kon Paska ná inta pinais kon bonu in buk Dodandian takin i Tuhan. Pinongin natua mosia in mohoromatbí kon i Tuhan, Allah monia.

EZRA 6:20

Bayongan in imang bo intau mita in Lewi ain nogaid kon upacara pinondaritan kon awak dá inanggapdon nodarit. Noiduduimai kon tua intau mita in Lewi tatua in noratá kon biag mita inta pakéon kon kuruban Paska kon imang mita, kon i monia tontaní bo kon bayongan intau mita inta nongkon pinoḷumbúan.

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 12:3

Potaaudon in parenta tanaa kon bayongan bangusa Israel: Kon tanggal mopuḷú buḷan tanaa, intau mita ḷoḷaki in musti moratá kon ki adí in domba tobatú sin kaanon moyotakin in intau kon bonu in baḷoi.

IḶUAIAN 17:5

Guman i Tuhan kon i Musa, “Oinídon in tongonumai itoi intau Israel bo bayádon poyotakin monia umuna kon bangusa tatua. Dia doman in tungkud inta pinakému pinomobak kon Ongkag in Nil.

IḶUAIAN 19:7

Dá noponagdon in ki Musa bo nogoiní kon itoi mita sinbá moyosipun, bodongka inoumannea kon i monia in bayongan inta pinarenta i Tuhan kon inia.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

PINOGIAPAN 11:16

Bo ki Tuhan noguman kon i Musa, “Sipundon nongkon sigad in bangusa mita Israel in guhanga mita in ḻipú pitu nopuḷú in kobayongnea inta ináku nobaḻí itoi in bangusa. Dia in mosia kon tayowon-Ku, bo pokisindogaidon in mosia kon diugmu.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.