HAKIM MITA 9:9 - Alkitab Singog In Mongondow Masa In Tanaa

⁹ Tubag in pangkoi in zaitun, ‘Ah doíbí in akuoi. Sin aka akuoi mobaḻí datumu, akuoi in mustibí mogogaidon mobogoi in ḷana in zaitun inta pakéon mohoromat kon dewa mita bo intau.’

HAKIM MITA 9:9 Mawu Ofanana

AYUB 1:7

Ki Tuhan in noḻibó kon inia, “Nongkon onda in iko?” Tubag in Ibilis, “Bobantung naa in bagupa nodondaḷoi magí-mako bo noḻibu kon bayongan in butá.”

AYUB 2:2

Dá ki Tuhan in noḻibó kon inia, “Nongkon onda in iko?” Ibilis in notubag, “Nongkon binayáan namagi-namako nodondaḷoi kon dunia.”

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

IḶUAIAN 29:2

Pomiadon nongkon topong torigu inta totok in mopia, roti moḻimbung inta diá iragian. Tosilai in musti aidan roti baukan in ḷana zaitun, tosilai doman in diá baukan in ḷana, bo ki agatnea in pomiaan kukis inta ḻepoan in ḷana.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IḶUAIAN 35:14

pototuduan kon togá ponimbayag takin touḷutnea, togá takin ḷananea;

IMAMAT 2:1

Aka oyúon intau moposumba in kuruban sosumba kon i Tuhan, yo kuruban tatua in ná tanaa: topong inta totok in mopia inta binutakan in ḷana zaitun bo binubudan in kamania in tudunea.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

HAKIM MITA 9:10

Bo guman in pangkoi mita ibanea kon pangkoi in ara, ‘Ikodon uḻe in mobaḻí datu nami.’

HAKIM MITA 9:8

Nokoimontandon in nobaḻí noyosipundon in pangkoi mita in kayu, noyosipun sin momiḻí kon datu kon i monia. Dá nogumandon in mosia kon pangkoi in zaitun, ‘Kobaḻídon datu nami.’