HAKIM MITA 9:8 - Alkitab Singog In Mongondow Masa In Tanaa

⁸ Nokoimontandon in nobaḻí noyosipundon in pangkoi mita in kayu, noyosipun sin momiḻí kon datu kon i monia. Dá nogumandon in mosia kon pangkoi in zaitun, ‘Kobaḻídon datu nami.’

HAKIM MITA 9:8 Mawu Ofanana

DATU MITA 2 14:9

Táe ki Datu Yoas in nokidia in tontubag nanaa, “Komintanmai yo bo bonganga kon Buḷud in Libanon in mokidiabí in habar nanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu mongodeaga kon i adíku sin baḻíon ki buḷoinea.’ Táe onda intua noitaḻibdon kon tua in biag in kayuon inta noritak kon bo bonganga tatua.

TAWARIKH 2 25:18

Táe ki Datu Yoas in nokidia in tubag nanaa, “Kon singgai tobatú bo bonganga kon buḷud in Libanon nokidia in tuntutan tanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu bobay kon i adíku sin baḻíon ki buḷoinea.’ Táe noiduduimai kon tua noitaḻibdon kon tua in mahaḷuk in kayuon tobatú bo noritak kon bo bonganga tatua.

KORINTUS 1 12:15

Aka sioḷ bo moguman, “Akuoi in deemanbí ḻima, tuamai akuoi in diábí notobatú in awak,” yo degá totuu kon sia tua deemanbí anggota in awak.

HAKIM MITA 9:7

Naonda in dinongog i Yotam in soaḷ tatua, sia minayá sinimindog kon tudu in Buḷud Gerizim, bo nomaḷú kon intau mita tatua, “Indongogai in akuoi, ei intau mita in Sikhem, sinbá indongogan domandon i Allah in moiko!

HAKIM MITA 9:9

Tubag in pangkoi in zaitun, ‘Ah doíbí in akuoi. Sin aka akuoi mobaḻí datumu, akuoi in mustibí mogogaidon mobogoi in ḷana in zaitun inta pakéon mohoromat kon dewa mita bo intau.’