HAKIM MITA 9:57 - Alkitab Singog In Mongondow Masa In Tanaa

⁵⁷ Bo ki Tuhan nohukum doman kon intau mita in Sikhem popisí in aid monia inta moraat. Tua mita in noitombutung kon ná onu inta ain siningog i Yotam ki adí i Gideon soaḷ mosia tua kon wakutu in nogodi-godimai kon i monia.

HAKIM MITA 9:57 Mawu Ofanana

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

DATU MITA IMITÁNEA 16:34

Kon tungkuḷ in pinomarentaan i Ahab, kotá in Yerikho pinosindogdon bui i Hiel intau in Betel. Táe ná inta ain pinoguman muna i Tuhan pinongin i Yosua ki adí i Nun, ki Hiel kinobuḻian i adínea doyowa: ki Abiram inta guya-guyang in minatoi kon dodai in ki Hiel nogukatdon kon pondasi in kotá, bo ki Segub inta ai-ai in minatoi kon dodai in ki Hiel noposindogdon in bonawang mita in kotá tatua.

DATU MITA IMITÁNEA 2:32

Ki Tuhan in mohukum kon inia popisí in sia noḻimod diá kinotaa-taauanmai i amáku. Ki Abner porwira in Israel, bo ki Amasa porwira in Yohuda, taya dua in tumpaḷa diá kotaḷá. Mosiabí in mopia-pia nongkon i Yoab, táe iḻimodnea in mosia.

MAZMUR 7:17

Dá sia in ihukumbí in aidnea tontaní inta moraat, bo iroriga in aidnea tontaní inta moḻingá.

MAZMUR 94:23

Sia in mohukum kon intau moraat podudui in aidnea inta moraat, bo nomompon kon bibig monia popisí in dosanea. Ki Tuhan Allah naton in momomponbí kon i monia.

AMSAL 5:22

Dosa in intau moraat in naonda bo poyogaḷap inta modomok kon intau tatua.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

HAKIM MITA 10:1

Naonda in ki Abimelek minatoi, ki Tola ki adí i Pua, nobaḻí itoi sin mopoḷuat kon intau in Israel. Sia naa in ki ompu i Dodo nongkon suku i Isakhar. Sia in nogutun kon Samir kon buḷud in Epraim.

HAKIM MITA 9:20

Tongá aka diá natua, dá igumon mako in nongkon i Abimelek ḷumuaidon in tuḷú inta momokak modait kon bayongan in intau inta nogutun kon Sikhem bo Bet-Milo. Bo igumon doman mako nongkon intau mita inta nogutun kon Bet-Milo in ḷumuai domandon in tuḷú inta momokak doman modait kon i Abimelek.”

HAKIM MITA 9:24

Tua in nobaḻí sinbá kotuḻíandon in raat i Abimelek bo intau mita in Sikhem inta ain nomakisa kon inia sinbá moḻimod kon i adí i Gideon inta pitu nopuḷú tua.

HAKIM MITA 9:45

Kinoouputbí in singgai ki Abimelek noparang bo nogagow kon kotá tatua; intau mita inta nogutun kon tua in iḻimod, bo kotánea in irimumudnea onda intua sinabudan in simuton.

HAKIM MITA 9:56

Natuata in pinototuḻí i Allah kon i Abimelek kon bayongan in aidnea moraat inta ain pinomianea kon i amánea, kon dodai in sia noḻimod kon i utatnea mita inta pitu nopuḷú tua.