HAKIM MITA 9:54 - Alkitab Singog In Mongondow Masa In Tanaa

⁵⁴ Ḷagidon in ki Abimelek nogoiní kon tayow mobiag inta nomotaan kon sinapangnea bo noguman, “Rabutdon in pitowmu bo ḻimodon in akuoi; doíbí in akuoi tangoion in intau akuoi iḻimod in bobay.” Dá tayow mobiag tatua nonumbukdon kon inia nodapot in minatoi.

HAKIM MITA 9:54 Mawu Ofanana

SAMUEL 2 1:10

Dá dinimiug in akuoi kon inia, bo poḷat noḻimod kon inia, sin kinotaauanku kon aka moumpag in sia sin diádon moropot in simindog, yo notantúbí kon matoibí domandon. Bo ginamáku in sapoyo in datu nongkon uḷunea bo ḻingkit nongkon kokaḷnea, bo diniaku mangoi kon i Tuangku.”

SAMUEL 2 1:7

Ki Saul in nobobui ná tumi, bo nokoontong kon inakó, bo inoinínea in akuoi, bo akuoi sinumubag, ‘Onu, Tuangku.’

SAMUEL 2 1:9

Bo noguman in sia kon inakó, ‘Koḻigaipa kon naa, bo ḻimodon in akuoi! Kinekebandon modaḷom in akuoi, bo gogiódon matoi.’

TAWARIKH 1 10:4

Dá ki Saul in noguman kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi sinbá diá in akuoi yagi-yagionmai in intau i Pilistin inta diá nonotaau kon i Tuhan tua.” Táe tayow mobiag tatua doíbí monumbuk kon i Saul sin sia in moondokbí totok. Tuamai in ki Saul nogamá kon kedangnea tontaní bo inumumpag kon kedangnea tatua.

TAWARIKH 1 10:5

Naonda in inontong in tayow mobiag tatua kon ki Saul in minatoidon, dá sia in inumumpag domandon kon kedangnea, bo minatoidon doman.

HAKIM MITA 4:9

Ki Debora notubag, “Mopia, dumudui in akuoi! Táe pokotorop, deemanbí iko in mokouḻí kon kahoromatan. Popototoidon kon bobay tobatú ki Tuhan monaḷow kon i Sisera.” Dá nobuatdon in ki Debora noyotakin i Barak minayá in Kedes.

HAKIM MITA 9:55

Naonda in inontong intau in Israel kon ki Abimelek in minatoidon, mosia nobuidon komintan.

SAMUEL 1 14:12

Onda intua mosia nomaḷú kon i Yonatan bo bobantungnea, “Potakodon mangoi kon naa sinbá oyúon in poontong nami kon inimu!” Bo ki Yonatan in noguman kon tayowmobiag tatua, “Duduidon kon inakó, sin mosia in inogoidon i Tuhan kon Israel.”

SAMUEL 1 14:13

Kotaki-takin in tayowmobiag tatua in ki Yonatan kinumuá in notakod. Naonda in ki Yonatan noitukat, mongoobatdon in intau mita in Pilistin in bongkugonnea, bo nongkon tumi, tayowmobiag tatua in moḻimod kon i monia.

SAMUEL 1 14:14

Kon pinonubuan dungkuḷ tatua, ki Yonatan bo tayowmobiag tatua in noḻimod kon degá doyowamai nopuḷú in intau kon butá inta degá tonggopatmai in hitare.

SAMUEL 1 14:17

Dá nogumandon in ki Saul kon intaunea, “Iapdon in tontara mita bo taridiaidon mongo ki ine in diá.” Inaidandon monia intua bo kinotaauandon kon ki Yonatan bo tayowmobiag mododia kon ḷoḷutamnea in diá onda.

SAMUEL 1 14:7

Tayowmobiag tatua in notubag, “Onukabí in pomiaan i Tuang, moibogbí in bobantung.”

SAMUEL 1 16:21

Natuata in angoi i Daud kon i Saul bo nobaḻí bobantungnea. Sia totok in kinotabi i Saul bo binaḻí mododia kon touḷut in parangnea.

SAMUEL 1 31:6

Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.