HAKIM MITA 9:4 - Alkitab Singog In Mongondow Masa In Tanaa

⁴ Onda intua mosia nobogoi kon inia in doit saḷaka pitu nopuḷú inta ginamá nongkon baḷoi pososumbaan kon i Baal-Berit. Doit tatua pinonondan i Abimelek kon kolompó in intau mita inta mongoraat sinbá moyotakinneadon,

HAKIM MITA 9:4 Mawu Ofanana

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

AYUB 30:8

Mosia tua in diá in tangoi bo diá in boḻinea, intau mita inta ain binuntun nongkon butánea.

AMSAL 12:11

Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

ZEPANYA 3:4

Nabi-Nea mita diábí in ibog monotaaumai bo diá motaau pirisayaanmai; imang mita noponajisdon kon onu inta ain sinondí ogoi kon i Tuhan bo nopoyotutui in hukum mita i Allah sin potayakan kon kauntungan monia tontaní.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

HAKIM MITA 11:3

Tuamai in ki Yepta nonaḷámaidon kon i utatnea mita bo minayá nogutun kon butá in Tob. Kon tua topaanan in intau moraat dinumugang kon inia bo minayá in mosia nogagow.

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.

SAMUEL 1 22:2

Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.