HAKIM MITA 9:19 - Alkitab Singog In Mongondow Masa In Tanaa

¹⁹ Aka oaid monimu singgai in naa kon i amáku bo kon motoḷuadínea notuḻid bo nobayag, dá pobarasanangdon takin i Abimelek, bo biódon mako in sia mobarasanang doman takin i monimu.

HAKIM MITA 9:19 Mawu Ofanana

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.

HAKIM MITA 6:32

Popisí in ki Yoas noguman, “Pomayádon mako ki Baaldon tontaní in monayow kon i Gideon, sin sia in nongokaidon kon mezbahnea,” dá pinangkoidon kon dodai intua intau nonangoi kon i Gideon ki “Yerubaal”.

HAKIM MITA 9:18

Táe tanaa moiko in nomarontakdon kon motoḷuadí i amáku. Ki adínea mita ain iḻimod monimu komintan – pitu nopuḷú in intau pinoyododai kon tudu in batu tobatú. Ki Abimelek nion in ki adí i amáku nongkon i atanea. Táe binaḻídon monimu in sia datu kon Sikhem, tongá popisí in sia oyúonpa in uput in kompong monimu.

HAKIM MITA 9:20

Tongá aka diá natua, dá igumon mako in nongkon i Abimelek ḷumuaidon in tuḷú inta momokak modait kon bayongan in intau inta nogutun kon Sikhem bo Bet-Milo. Bo igumon doman mako nongkon intau mita inta nogutun kon Bet-Milo in ḷumuai domandon in tuḷú inta momokak doman modait kon i Abimelek.”