HAKIM MITA 9:16 - Alkitab Singog In Mongondow Masa In Tanaa

¹⁶ “Yo,” guman i Yotam noiduduimai, “Degá naonda in nopobaḻí mako datu kon i Abimelek, yo mosatia bo mobayag in gina monimu in mogaid? Degá totuudon in pinogogaid monimu nion kon i Gideon, ki amáku, bo inanakan motoḷuadínea? Sinuḻiandon degá monimu in onu inta ain inaidan i amáku

HAKIM MITA 9:16 Mawu Ofanana

HAKIM MITA 6:32

Popisí in ki Yoas noguman, “Pomayádon mako ki Baaldon tontaní in monayow kon i Gideon, sin sia in nongokaidon kon mezbahnea,” dá pinangkoidon kon dodai intua intau nonangoi kon i Gideon ki “Yerubaal”.

HAKIM MITA 8:35

Diá domandon sinuḻían monia kon motoḷuadí i Gideon in bayongan inta mopia inta ain pinomia i Gideon kon umat in Israel.

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”

HAKIM MITA 9:17

inta ain irumopot totok sin kopontingan monimu? Pokotorop, sia ain nopotaru in nyawanea sin mopoḷuat kon i monimu nongkon kawasa in intau mita in Midian.