HAKIM MITA 8:5 - Alkitab Singog In Mongondow Masa In Tanaa

⁵ Onda intua mosia nodapotdon in Sukot. Kon tua ki Gideon in noguman kon intau inta nogutun kon kotá tatua, “Tuḷungaipa ogoiai in kaanon topiḻikmai in intauku mita tanaa. Mosia in moḷopídon totok tongá kami in mustipa mogaḷow kon i Zebah bo kon i Salmuna, datu mita in Midian tua.”

HAKIM MITA 8:5 Mawu Ofanana

KINOBAḺIAN 14:18

Ki Melkisedek, datu in Salem inta nokadai doman kon oaidan in imang i Allah in Totok Moḷantud, nodia kon roti bo anggur sin ogoi kon i Abram,

KINOBAḺIAN 33:17

Táe ki Yakub minayá in Sukot, bodongka noposindog in baḷoinea bo tampat pononiungan in bobiagonnea mita. Tuamai tampat tatua sinangoian Sukot.

MAZMUR 60:6

Inogoian-Mu in tompoingat in intau mita inta mopirisaya, sinbá mosia moiḷagui kon hukuman.

ULANGAN 23:4

sin mosia in doí nobogoi in kaanon kon i monimu kon tungkuḷ in moiko kon binayáan iḻumuai nongkon Mesir. Nodapotbí in mosia nonondan kon i Bileam, adí i Beor nongkon kotá in Petor kon Mesopotamia, sin mongutuk kon i monimu.

HAKIM MITA 5:23

“Kutukdon in Meros, bo intau inta nogutun kon tua,” guman in malaekat i Tuhan “sin mosia in diá namangoi notuḷung nobaḻí pahlawan inta nogaid kon onu in pinoki aid i Tuhan.”

HAKIM MITA 8:10

Kon dodai intua ki Zebah bo ki Salmuna takin bayongan in tontara monia kon Karkordon. Nongkon bayongan in tontara in intau mita kon padang gurun, dongkadon degá 15.000 in intau in kiagatnea; 120.000 in tontaranea in minatoidon.

HAKIM MITA 8:12

Ki Zebah bo ki Salmuna, datu doyowa in intau in Midian tatua noḷagui, táe inaḷowan i Gideon bo poḷat dinomoknea in taya dua tua, dá bayongan in tontara monia notoboḻingodon.

HAKIM MITA 8:15

Nopaḷut mako kon tua ki Gideon minayá nokipodungkuḷ kon itoi mita kon kotá tatua bo noguman, “Tantú kinotoropanpabí monimu kon pernadon in moiko in doí notuḷung kon inakó, sin diápa noaḷapku in ki Zebah bo ki Salmuna, natua degá ma? Moiko in doí nobogoi in kaanon kon intauku mita; bokaka mosia in totokdon in moḷopí tungkuḷ intua. Indoiai, naa in ki Zebah bo ki Salmuna.”

SAMUEL 1 25:18

Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.