HAKIM MITA 8:32 - Alkitab Singog In Mongondow Masa In Tanaa

³² Naonda in nogoguyangdon totok bain tua bo minatoi in ki Gideon ki adí i Yoas. Sia iḷobong kon pinoḷobongan kon i Yoas, ki amánea. Pinoḷobongan tatua in noiukat kon Opra, inta kotá in inanakan i Abiezer.

HAKIM MITA 8:32 Mawu Ofanana

KINOBAḺIAN 15:15

Iko tontaní moumur in kobiaganmu, bo matoi takin pia in gina, bo ḷobongon.

SAMUEL 2 2:32

Nopaḷut mako kon tua ki Yoab bo intaunea mita in nobuatdon kon mayat i Asael bo iḷobong monia kon bonu in poḷoḷobongan in motoḷuadí kon Betlehem. Bo mosia in minayá in tonggobii tua bo nodapot in Hebron kon tungkuḷ in modiugdon mobayag.

AYUB 42:17

Bo minatoidon in ki Ayub kon dodai in nogoguyangdon totok.

AYUB 5:26

Naonda bo gandum inta noḷutú, iratab kon wakutunea, iko in mobiagbí doman mopia modapot in mogoguyang.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.

HAKIM MITA 8:31

Oyúon doman in kinoboyotannea kon Sikhem; bobay tatua nokouḻí kon adí ḷoḷaki inta sinangoiannea ki Abimelek.

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.