HAKIM MITA 8:24 - Alkitab Singog In Mongondow Masa In Tanaa

²⁴ Tongá noiduduimai kon tua ki Gideon noguman nanaa, “Tongá tobatú in igumonku; nganti-nganting inta inagow monimu kon musung, ogoidon komintan kon inakó.” (Intau in Midian nobiasa mogi nganti-nganting buḷawan; ná doman intau ibanea inta nogutun kon padang gurun.)

HAKIM MITA 8:24 Mawu Ofanana

KINOBAḺIAN 24:22

Naonda in unta nonginumdon dapot in nooropdon totok, bobantung i Abraham in nogamádon kon ḷambá mita buḷawan inta nongo mahaḷ, bodongka pinopopakénea kon ngiung in mongodeaga tatua. Bo kon poguḻingkitannea pinopoḷutudannea doman ḻingkit in buḷawan togapang.

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

KINOBAḺIAN 25:12

Ki Ismael naa in ki adí i Abraham kon i Hagar, bobay in Mesir, bobantung i Sara tua.

KINOBAḺIAN 25:13

Ki Ismael kogadí kon mopuḷú bodoyowá inta tangoion kon naa podudui in kinololahir monia: Ki Nebayot, ki Kedar, ki Adbeel, ki Mibsam, ki Misyma, ki Duma, ki Masa, ki Hadad, ki Tema, ki Yetur, ki Napis bo ki Kedma. Adí mita tatua nobaḻí mogoguyang in mopuḷú doman bodoyowá nosuku bangusa, ḻipú bo ḷoḷaigan monia in sinangoian podudui in tangoi mita monia.

KINOBAḺIAN 35:4

Bo mosia in noposarakandon kon i Yakub in bayongan patong dewa ibanea mako inta kodia-dia monia bo nganti-nganting doman monia. Komintan barang mita tatua nodait iḷobong i Yakub kon siungon in pangkoi kayu moḷoben kon diug in kotá in Sikhem.

KINOBAḺIAN 37:25

Kon tungkuḷ in mosia koyogot mongaan, indoianmai noitaḻibdon in kapilah intau in Ismael, intau tatua kon binayáan nongkon Gilead mopobayá in Mesir. Unta mita monia nodatog kon pododungú mita, balsam bo taḷong.

KINOBAḺIAN 37:28

bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

DATU MITA IMITÁNEA 20:11

Ki Datu Ahab in notubag, “Pogumandon kon i Datu Benhadad: Tontara inta totu-totuu tontara, bainbí mopaḷut mako moparang bo mopia in ginanea, deemanbí kon tungkuḷ in diápa moparang.”

IḶUAIAN 12:35

Inaidan doman monia onu inta pinoguman i Musa, mosia noigum kon ḷambá buḷawan bo saḷaka takin pakeang mita kon intau in Mesir.

IḶUAIAN 32:3

Dá mosia in noḷongkutdon kon nganti-nganting buḷawan monia bodongka dinia kon i Harun.

IḶUAIAN 32:4

Ginamá i Harun in nganti-nganting mita tatua, bodongka sinubánea nodapot in noḷoḷang bo binonunea kon pastaka tobatú bo pinomia patong sapi tobatú. Intau mita tatua noguman, “Ei Israel, naadon in ilah naton inta nodia kon i naton iḻumuai nongkon Mesir!”

IḶUAIAN 32:8

Mosia ain sinumabat kon parenta-Ku mita. Mosia nomiadon kon patong sapi nongkon buḷawan, bo sinumba monia poḷat inogoian monia in kuruban. Mosia ain noguman kon tuata in ilah monia inta nodia kon i monia iḷumuai nongkon Mesir.

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

HAKIM MITA 8:25

“Mopia,” tubag monia, “takinbí pia in gina mobogoi intua kon inimu.” Bo nobuká in mosia kon kaeng tobatú, onda intua kon batúan in intau namangoi nogukat kon tua kon nganti-nganting inta ain inagow monia nongkon musung.

SAMUEL 1 25:11

Umpaka yo mogamá in akuoi kon roti bo tubig inumonku, takin ponoyá inta ain sinadiaku kon intauku mita inta mongonggonsing, bodongka ogoi kon intau mita inta diá nosilangmai mongo nongkon onda mita!”