HAKIM MITA 8:23 - Alkitab Singog In Mongondow Masa In Tanaa

²³ Tubag i Gideon, “Diá. Akuoi in diábí mobaḻí itoimu; ki adíku doman in diábí. Ki Tuhanbí in itoimu.”

HAKIM MITA 8:23 Mawu Ofanana

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 63:19

Pinomia-Mudon in kami naonda bo Iko in diá kon dodai in onda in nongawasa kon inami; naonda bo kami in diábí kon dodai in onda in nobaḻí umat-Mu.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

HAKIM MITA 10:18

Kon tua in rayat bo itoi mita nongkon suku mita in Israel nosiḻibóandon mongo oyúon in kon sigad monia tua in mobarani mayá moparang moḷawang kon bangusa in Amon. Aka oyúon in mobarani dá intau tatua in baḻíondon itoi kon bayongan in intau inta kon Gilead.

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.

HAKIM MITA 8:22

Onda intua umat in Israel nogumandon kon i Gideon, “Iko in aindon nopoḷuat kon inami nongkon kawasa in intau in Midian. Tuamai in ikodon in mobaḻí itoi nami – iko bo buímu.”

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 12:12

Tongá naonda in moiko nokoontong kon moiko in tubuondon i Nahas datu in Amon, moiko in nondoídon kon i Tuhan saḷaku datumu bo noguman kon inakó, ‘Kami in moibog parentaan in datu tobatú.’ ”