HAKIM MITA 8:10 - Alkitab Singog In Mongondow Masa In Tanaa

¹⁰ Kon dodai intua ki Zebah bo ki Salmuna takin bayongan in tontara monia kon Karkordon. Nongkon bayongan in tontara in intau mita kon padang gurun, dongkadon degá 15.000 in intau in kiagatnea; 120.000 in tontaranea in minatoidon.

HAKIM MITA 8:10 Mawu Ofanana

DATU MITA 2 3:26

Naonda in kinomangaḻeanneadon kon diádon in sia mokotongod, ki datu Moab in nodiadon kon 700 in tontaranea inta mopandoi moparang momaké in kedang, bo moḷongasi tumuot kon poḷoḷukadan in datu Edom, táe diá nokodapot.

TAWARIKH 2 13:17

Moḷoben totok in kinotungkudan inta pinoantug i Abia bo tontaranea kon intau in Israel; 500.000 in tontara monia inta mongopia in minatoi.

TAWARIKH 2 28:8

Umpaka intau mita in Yohuda tumpaḷa intau in Israel, táe tontara in Israel nodakop kon 200.000 in bobay bo mongoadí mita, bo dinia kon Samaria noyotakin in nobayong totok in pakakat inta inagow.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

HAKIM MITA 20:15

Singgai tua mosia in nosipun nongkon bayongan in kotá monia in tontara mita 26.000 in kobayongnea. Bo koḻikud intua intau mita in Gibea tontaní ain nosipun kon 700 in intau inta ain piniḻí. Mosia tua in komintan mopomaké in ḻima koḷoigi inta mongotoyang mongantipol. Aka mosia mongantipol, yo diábí dodai in onda in moibandai.

HAKIM MITA 20:17

Bo kon intau mita in Israel ibanea aindon nosipun in 400.000 in tontara mita inta ain sinokotundú moparang.

HAKIM MITA 20:2

Kobayong monia inta nosipun tatua in 400.000 in tontara inta minaya-mayá in sioḷ. Itoi mita nongkon batúan in suku bangusa in Israel noiangoi doman intua.

HAKIM MITA 20:25

Bo kon induanea domandon in intau mita in suku Benyamin iḻumuai nonubu. Kon tanaa mosia noḻimod kon tontara mita in Israel 18.000 in kobayongnea.

HAKIM MITA 20:35

Ki Tuhan nopountungdon kon intau in Israel nongkon intau mita in Benyamin, dá kon singgai tatua intau in Israel nokoḻimod kon 25.100 in tontara mita in Benyamin.

HAKIM MITA 20:46

Dá, tontara in Benyamin inta iḻimod singgai tua in 25.000 in kobayongnea – komintan tontara inta motorindog bo mobarani.

HAKIM MITA 6:5

Intau mita tatua in mamangoi mokapu-kapung kodia-dia in bobiagon bo ḷoḷaigan monia inta mobayong totok. Mosia bo unta monia in diádon koiapan. Mosia in mamangoi sin momoguyaat kon butá tatua,

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.

HAKIM MITA 7:13

Naonda in ki Gideon nodapot in tua, sia nokodongog kon intau tobatú nongonguman kon togoindopnea kon yobayatnea. Intau tatua noguman nanaa, “Akuoi in sinumogoindop kon oyúon in roti tobatú noḻiḻid bo noituot kon pinononḷoḷaigan naton bo noitaḻib kon ḷoḷaigan tobatú. Ḷoḷaigan tatua noumpag nodapot in notondodaidon in butá.”

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

HAKIM MITA 8:11

Ki Gideon minayá nongin posigadan in padang gurun kon dotá in pomukaan Nobah bo Yogbeha bo dongka daḻí nonubu kon musung.