HAKIM MITA 7:22 - Alkitab Singog In Mongondow Masa In Tanaa

²² Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

HAKIM MITA 7:22 Mawu Ofanana

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

TAWARIKH 2 20:23

Tontara in Amon bo Moab in monubu kon tontara in Edom bo morimumudon kon i monia komintan. Onda intua mosia momurow bo mositubuan totok.

MAZMUR 83:9

Asyur in dinumugang domandon kon i monia, nobaḻí intau inta pinirisaya in buí i Lot.

YESAYA 19:2

Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

YESAYA 9:3

Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEHEZKIEL 38:21

Bo ki Gog in taḻikokogan-Kubí in moyagi-yagimai in bodito. Akuoi, ki Tuhan Inta totok in moḷantud ain nosingog. Intaunea mita in mositotadan bidon in kedang monia.

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

ZAKHARIA 14:13

Kon singgai tatua baḻíonbí i Tuhan in bangusa mita tatua motoboḻingo totok bo angoian in ondok dá pomuḷoi in intau in modomokdon kon yobayatnea inta kon diugneamai bo momongkug.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

SAMUEL 1 18:19

Táe naonda in wakutuneadon ki Merab popobuḷoi kon i Daud, indoianmai adí bobay tatua in pinopotonibuḷoibí kon i Adriel nongkon Mehola.