HAKIM MITA 7:20 - Alkitab Singog In Mongondow Masa In Tanaa

²⁰ Doyowa nopaanan ibanea in dinumudui domandon nomia kon natua. Bo mosia in notonggódon komintan kon poḷombow mita monia takin nomaké in ḻima monia koḷoigi, bo nogirup kon torompet inta kon ḻima monia koḷanan. Mosia nomaḷú, “Kedang kon i Tuhan bo kon i Gideon!”

HAKIM MITA 7:20 Mawu Ofanana

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YEREMIA 47:6

Moiko in momaḷú, ‘Modapot in toonu iko in monubu, ei pitow i Tuhan? Tungkogdon kon gumámu bo kibio-biómaidon kon tua kaasí!’

KORINTUS 1 15:52

Soaḷ mita tatua in daḻi-daḻíbí mobaḻí, tongábí tokokiap monag kon wakutu in torompet irupondon kon pangabisan totok. Sin kon dodai in kodongogandon singog in torompet tatua, yo intau mita minatoi in tokobiagondon bui bo popopakéandon in awak inta mononoi, bo kita komintan in toko baḷuian.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

TESALONIKA 1 4:16

Bambí itoi in malaekat mobaḷu bo torompet i Allah in irupondon saḷaku toḻibag, bain tua bo mamangoi in ki Tuhan Yesus nongkon soroga. Bo intau mita inta mopirisaya kon i-Nia inta ain minatoi in biagondon muna.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

PETRUS 2 1:15

Dá tantú ramujionku sinbá umpakabí akuoi in diádon, yo umuranpa doman kotoropan monimu in soaḷ mita tatua.

HAKIM MITA 7:19

Naonda in nopangádon kon doḷom, ki Gideon bo intaunea mita nodapotdon kon posigadan pinononḷoḷaigan in musung. Kon dodai intua intau inta noḷukad kon pinononḷoḷaigan tatua, bagu noyoḷuan kon poḷukadan. Bo ki Gideon takin intaunea nogirup kon torompet bo noḷosi kon kendi mita monia.

HAKIM MITA 7:21

Mosia komintan in umuranpabí sinimindog mako kon sinindogan monia tontaní inta kon ḻibumai in pinononḷoḷaigan tatua. Dá bayongan in tontara in musung tatua noroḷaguidon sindaḷan kinumarak.

SAMUEL 1 11:11

Nobangon monik, doḷo-doḷompa, ki Saul nosilaidon kon intau mita nobaḻí toḷu nopaanan. Bo naonda in nomukádon in singgai mosia nonubu kon yua-yuak in pinononḷoḷaigan in intau in Amon tatua bo nomarang kon i monia. Diápa noutu in singgai, tontara i Saul in nonaḷowdon kon musung. Intau mita in Amon inta nokoḷagui, nongoirangkap nodapot in diádon in tododoyowa mako in noḷagui noyotakin.