HAKIM MITA 7:19 - Alkitab Singog In Mongondow Masa In Tanaa

¹⁹ Naonda in nopangádon kon doḷom, ki Gideon bo intaunea mita nodapotdon kon posigadan pinononḷoḷaigan in musung. Kon dodai intua intau inta noḷukad kon pinononḷoḷaigan tatua, bagu noyoḷuan kon poḷukadan. Bo ki Gideon takin intaunea nogirup kon torompet bo noḷosi kon kendi mita monia.

HAKIM MITA 7:19 Mawu Ofanana

MAZMUR 2:9

Mosia in putoḷonmubí in tungkud uatoi bo ḷosionmu naonda bo kuyon butá.’ ”

MAZMUR 90:4

Kon ini-Mu toribu notaong in naonda bo tosinggai, singgai koḷabung inta ain noitaḻib; naonda bo tongooras kon poyoḻimbanan moḷukad kon dodai in doḷom.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

MATIUS 25:6

Naonda in noonggotdon kon doḷom dinongogmai oyúon in singog noguman nanaa, ‘Nonikaan niondon! Tontomudon in sia!’

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

HAKIM MITA 7:16

Bo sinilaidon i Gideon in intaunea inta toḷu nogatut tatua nobaḻí toḷu notonsilai. Kon batúannea inogoian in torompet bo kendi tobatú inta binonuan in poḷombow.

HAKIM MITA 7:18

Aka akuoi takin intauku mita mogirupdon kon torompet, yo moiko in musti mogirup domandon kon torompetmu. Bo moiko in musti mayá kon ḻibumai in pinononḷoḷaigan tatua bo pomaḷú nanaa, ‘Kon i Tuhan bo kon i Gideon!’ ”

HAKIM MITA 7:20

Doyowa nopaanan ibanea in dinumudui domandon nomia kon natua. Bo mosia in notonggódon komintan kon poḷombow mita monia takin nomaké in ḻima monia koḷoigi, bo nogirup kon torompet inta kon ḻima monia koḷanan. Mosia nomaḷú, “Kedang kon i Tuhan bo kon i Gideon!”