Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.
HAKIM MITA 6:34 - Alkitab Singog In Mongondow Masa In Tanaa34 Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia. Onani mutuwo |
HAKIM MITA 6:34
20 Mawu Ofanana
Kon tungkuḷ in ki Daud noyotakin in intau in Pilistin monayow kon i Datu Saul, tongosilai nongkon tontara in suku Manasye iḷumoḷan namangoi kon i Daud. Sabanarnea ki Daud in diábí notuḷung kon intau mita in Pilistin tatua. Itoi mita in Pilistin nopotabádon kon inia mobui kon Ziklag sin moondok in mosia dika-dikabo ḷumoḷan in sia mayá kon i Datu Saul bo dumugang bo mopororiga kon i monia.
Bo Roho i Allah in nongawasa kon i Zakharia ki adí i Imang Yoyada. Ki Zakharia in sinimindog kon tayowon in rayat bo nomaḷú, “Ki Tuhan Allah in noguman, ‘Nongonu sin moiko in diábí motoindudui kon parenta-Ku mita bo mopoboditobí in awakmu tontaní. Moiko in diábí mopandungmai kon i-Nakó, dá Akuoi in diábí domandon mopandungmai kon i monimu!’ ”
Bo daḻídon in ki Simson nobaḻí noropot sin kinawasadon i Tuhan, bo minayá in sia in Askelon. Kon tua in sia noḻimod kon toḷu nopuḷú in intau ḷoḷaki inta nogiḷambung mongo gaga. Ginamánea in pakeang mita tatua bo inogoi kon i monia toḷu nopuḷú inta nopotaau in mangaḻe in tangkínea. Nopaḷut mako kon tua, sia nobui kon baḷoinea takin noyaat in gina.
Naonda in ki Simson dinia nodapot kon Lehi, intau mita in Pilistin noribatuk in nonontomu kon inia sindaḷan nonggiow kon inia. Bo indoianmai daḻídon in sia noropot sin kawasa i Tuhan. Tontogot mita inta pinotogot kon ḻimanea tatua binontowneadon mako natua naonda bo nomontow kon tontogot inta ain nopokak.
Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.
Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.
Zotsatsa