HAKIM MITA 6:2 - Alkitab Singog In Mongondow Masa In Tanaa

² Intau in Israel moondokdon totok kon intau in Midian, nodapot in mosia nogadopdon kon angob mita kon tampat mita ibanea inta moaman inta kon buḷud mita.

HAKIM MITA 6:2 Mawu Ofanana

AYUB 30:6

Mosia in nogutun kon bonu in angob mita; bubú mita kon dinding in buḷud nobaḻí baḷoi monia.

YEREMIA 41:9

Parigí tatua in parigí moḷoben inta pinomia i Datu Asa kon tungkuḷ in sia sinubu i Baesa datu in Israel.

YEREMIA 48:28

Moiko intau in Moab, taḷaaidon in kotámu mita bo pogutundon kon tombuḷud in batu ná ḷagapan paḷoma nogaid kon pugadnea kon bingkí in irang.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

IBRANI 11:38

Dunia naa in deemanbí tampat mopia kon i monia. Mosia maya-mayá mako kon padang gurun bo kon buḷu-buḷudannea bo mogutun kon bonu in angob mita kon bubú mita in butá.

WAHYU 6:15

Bayongan datu kon dunia naa bo intau mita moḷoben, panglima mita in tontara, intau mita nooyúon, intau mita inta kokawasa, bo intau mita ibanea, pinomayá ata andeka intau inta nobebas, komintan norogadop kon bubú mita in butá bo kon sigad mita in batu in buḷud.

HAKIM MITA 10:8

Mopuḷú bo waḷu notaong in bangusa doyowa tatua nopoyoyigamai kon bayongan intau in Israel inta nogutun kon Gilead, tuata in butá in intau Amori kon dotá in pomukan kon Ongkag in Yordan. Moraatdon totok in pinogogaid monia kon intau in Israel.

HAKIM MITA 10:9

Intau in Amon nodapot in iḷumoḷan kon Ongkag in Yordan sin mayá monubu kon suku in Yohuda, Benyamin bo Epraim dá umat in Israel totokdon in mororiga.

HAKIM MITA 6:3

Apadoman pomuḷoi in intau monononggobá in Israel, mamangoidon in intau in Midian moyotakin intau in Amalek bo intau mita ibanea nongkon padang gurun bo monubu kon intau in Israel.

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,

SAMUEL 1 14:11

Naonda in taya dua nokipogontong kon intau in Pilistin kon poḷoḷukadan tatua, dá intau mita in Pilistin tatua noguman, “Indoiaika, oyúon in intau mita in Ibrani in iḻumuai nongkon bubú mita tampat pinogadopan monia!”