HAKIM MITA 5:7 - Alkitab Singog In Mongondow Masa In Tanaa

⁷ Kotá mita in Israel diádon in nogutun, noingongowdon nodapot in iko namangoi, Debora; iko namangoi naonda bo ki iná in Israel.

HAKIM MITA 5:7 Mawu Ofanana

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

ESTER 9:19

Tuamai in intau Yahudi inta nogutun kon kotá mita mointok nomia kon tompoingat kon singgai impuḷú boopatnea kon buḷan Adar nobaḻí singgai inta nokoḷunganga, singgai poramean poḷat mosiogoian in tombuinag ná kokaanon mita.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

SURAT I PAULUS KON JAMAAT RUM 16:13

Salam kon i Rupus bo kon i inánea inta inanggapkudon ná ki ináku tontaní. Ki Rupus tua in intau inta ain piniḻí i Tuhan bo mopia doman in oaidnea.

HAKIM MITA 5:6

Kon dodai in ki Samgar, adí i Anat, bo kon dodai doman i Yael, diábí in kapilah kon dunia, diábí in intau tongá modondaḷoi magí-mako kon daḷan moḷoben.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.