HAKIM MITA 5:6 - Alkitab Singog In Mongondow Masa In Tanaa

⁶ Kon dodai in ki Samgar, adí i Anat, bo kon dodai doman i Yael, diábí in kapilah kon dunia, diábí in intau tongá modondaḷoi magí-mako kon daḷan moḷoben.

HAKIM MITA 5:6 Mawu Ofanana

TAWARIKH 2 15:5

Kon tungkuḷ intua intau diábí motaau in mayá takin pia-pia mako sin kon bayongan in butá oyúon in ropatoi moḷoben.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

YESAYA 33:8

Daḷan mita moḷoben totok in mokoanib dá mobaḻídon moingongow; Diádon in intau in mongintua. Dodandian in sinaḷáan bo yopakat in diá sinarima. Diádon in pinandungmai.

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

OMBAḶ 4:18

Kami in diábí motaau in ḷumuai kon daḷan, aka ḷumuai umuranbí tarapon mako in musung. Imbuit in kobiagan nami in dimiugdon, sin singgai mita kobiagan nami in notompodon.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

HAKIM MITA 5:7

Kotá mita in Israel diádon in nogutun, noingongowdon nodapot in iko namangoi, Debora; iko namangoi naonda bo ki iná in Israel.