HAKIM MITA 5:22 - Alkitab Singog In Mongondow Masa In Tanaa

²² Moḻikat in sioḷ in kabaḷo in mayá inta sinakoian in tumotakoinea.

HAKIM MITA 5:22 Mawu Ofanana

AYUB 39:19

Ei Ayub, iko degá in nobogoi in ropot kon kabaḷo bo buoknea inta suge-sugepé kon sindunnea?

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 33:17

Kabaḷo in diábí motaau pongata kon mokountung, ropotnea inta moḷoben in diábí mokosaḷamat.

YESAYA 5:28

Piotnea in moruit bo puḷunea in kosadi-sadia pomiot. Konuku in kabaḷonea ná kopanggit in batu tuḷú, bo bola in keretanea moburow naonda bo uḷu in tompot.

YEREMIA 47:3

Mosia in mokodongogbí kon goḷopak in sioḷ in kabaḷo, koḷangká in bayáan in kereta, bo goḷotak mako in bolanea. Guyanga in mobaḻíbí moḷungkoyó bo diá bidon morai kon i adínea.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

YEHEZKIEL 27:14

Iko in noponoḻiu in pakakatmu mita kon kabaḷo in kereta, kabaḷo totakoian bo bagal nongkon Bet-Togarma.

MIKHA 4:13

Ki Tuhan in noguman, “Ei intau in Yerusalem, bayádon bo ritakaidon in musungmu mita! Baḻíon-Kubí moropot in moiko naonda bo sapi inta tungoinea uatoi bo konukunea in bitú. Moiko in morimumudbí kon mobayong in bangusa, bo kaoyúonan inta nouḻí monia kon pinogagowan in posumbabí monimu kon i-Nakó, ki Tuhan in dunia naa.”