HAKIM MITA 5:11 - Alkitab Singog In Mongondow Masa In Tanaa

¹¹ Kon diug in parigí mita kinodongogandon in intau nodondong noyotakin, mongonguman bui kon kinountungan i Tuhan inta mopobui-buimai, kinountungan in Israel, umat i Tuhan. Dá nopipidon in mosia minayá in ngara in kotá.

HAKIM MITA 5:11 Mawu Ofanana

KINOBAḺIAN 24:11

Naonda in noyaput kon tua, pinopogogaineadon in unta mita tatua sinbá mogogaipa kon diug in tobatú parigí kon ḷuai in kotá. Singgai moḷoḷabungdon, bo tuadon in wakutunea bobay mita mamangoi in parigí tatua sin monangkob kon tubig.

KINOBAḺIAN 29:2

Bo daḻí in sia nokoontong kon parigí kon tua, bo kon diugneamai inumuḻid mako toḷu nopaanan in bembé domba inta biasamai poinumon kon tua. Parigí tatua sinaḷoban in batu moḷoben.

KINOBAḺIAN 29:3

Aka komintan paanan in bembé bo domba moyosiondon kon tampat tatua, dá gombala mita in moḻitoidon kon batu tatua poposí, bodongka poinumon in biag mita tatua. Mopaḷut mako poinumon buidon taḷoban in gombala mita tatua in parigí tatua.

AYUB 29:7

Aka guyanga mita in kotá ḻimitú moyotakin, bo mogamá in akuoi kon ḷoḻitúan kon sigad monia,

MAZMUR 145:7

Intau in mongongumanbí kon bayongan in aid-Mu mopia bo mopodondong in kooadil-Mu.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YESAYA 28:6

Ki Tuhan in mobogoibí in aid moadil kon hakim mita, bo barani kon intau mita inta pinoki ḷukadan in kotá bá diá tubuon.

OMBAḶ 5:4

Tubig inumon bo kayu pondungú musti taḷuion nami.

OMBAḶ 5:9

Kon ḷuai in kotá, moḷoḻimod nodondaḷoi magí mako; diá kodimu-dimukud in kami kon dodai in motayak kon kaanon.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

ULANGAN 22:24

Kon pelekara natua mosia in musti diaan poḷuai kon kotá bo ara bo in batu dapot in matoi. Mongodeaga tatua in musti ḻimodon sin sia in diá nomaḷú mokituḷung, bo tua in nobaḻí kon bonu in kotá, inta aka sia momaḷú yo kodongoganbí. Bo ḷoḷaki tatua in musti doman ḻimodon sin sia ain nosiug takin mongodeaga inta ain kinantangan. Takin mohukum kon i nayadua tua, yo moiko in monginggamádon kon inta moraat tatua.

ULANGAN 33:21

Butá inta totok in mopia ginamá sin ogoi kon inia tonsilai in itoi inogoi kon i monia. Mosia in nopoaid in bayongan parenta bo hukum i Tuhan kon dodai in itoi mita in Israel noyosipun noyotakin.”

HAKIM MITA 11:40

adí mita mongodeaga mayá kon bonu in opat nosinggai pomuḷoi in taong sin mopongoibú in gina monanob kon i adí i Yepta kon Gilead.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

SAMUEL 1 12:7

Tanaa, in dikapa mayá. Akuoi in mopotaaudon in taḷá monimu kon tayowon i Tuhan. Toropdon kon bayongan totabi Tuhan inta ain pinoontong-Nea kon inimu bo kon mogoguyangmu.