HAKIM MITA 4:9 - Alkitab Singog In Mongondow Masa In Tanaa

⁹ Ki Debora notubag, “Mopia, dumudui in akuoi! Táe pokotorop, deemanbí iko in mokouḻí kon kahoromatan. Popototoidon kon bobay tobatú ki Tuhan monaḷow kon i Sisera.” Dá nobuatdon in ki Debora noyotakin i Barak minayá in Kedes.

HAKIM MITA 4:9 Mawu Ofanana

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

HAKIM MITA 4:8

Ki Barak noguman kon i Debora, “Aka iko in dumudui, yo akuoi in moibogbí mayá. Táe aka diá, yo akuoi in doíbí doman mayá.”

HAKIM MITA 9:53

bobay tobatú nopoḷabúdon in tobatú batu poḷoḻintogan kon uḷunea dá nobotak in uḷu i Abimelek.

HAKIM MITA 9:54

Ḷagidon in ki Abimelek nogoiní kon tayow mobiag inta nomotaan kon sinapangnea bo noguman, “Rabutdon in pitowmu bo ḻimodon in akuoi; doíbí in akuoi tangoion in intau akuoi iḻimod in bobay.” Dá tayow mobiag tatua nonumbukdon kon inia nodapot in minatoi.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.