HAKIM MITA 4:5 - Alkitab Singog In Mongondow Masa In Tanaa

⁵ Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

HAKIM MITA 4:5 Mawu Ofanana

KINOBAḺIAN 35:8

Kon tua doman ki Debora, tobatú moḷoḷukad kon i Ribka, minatoi bo iḷobong kon siungon pangkoi in kayu moḷoben inta kon dotá in toḷatan kotá tatua. Tuamai pangkoi in kayu tatua sinangoian “Pangkoi Moḷoben Pinongombaḷan”.

IḶUAIAN 18:13

Nopoikoḷomai kon singgai ki Musa nopoyotutui in rogenggeng kon sigad in intau Israel. Oaidan tatua pinangkoi kon doḷo-doḷom dapot in nodoḷom.

IḶUAIAN 18:16

Aka mosia moyogintaḷá, mosia mamangoi in kon inakó sinbá momaḷut kon pelekara monia, bo potaauku kon i monia in parenta bo hukum mita i Allah.”

IḶUAIAN 18:19

Indongogaipa in singogku naa, bo tuḷunganbí i Allah in iko. Totuubí doman kon mopiabí aka iko mobaḻí toḻiu in bangusa tanaa kon tayowon i Allah bo modia kon yagi-yagi inta mokorogenggeng kon umat bo potaau kon i-Nia.

IḶUAIAN 18:26

Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

YOSUA 16:2

Nongkon Betel, botok tatua in pinomoḷat ná Lus, pinongin Atarot, inta tampat pinogutunan in intau in Arki.

YOSUA 18:25

Bo mopuḷú doman bo opat in kotá noiduduimai naa takin ḻipú mita inta kon diugneamai, Gibeon, Rama, Beerot, Mizpa, Kepira, Moza, Rekem, Yirpeel, Tarala, Zela, Elep, Yebus (inta Yerusalem), Gibea bo Kiryat-Yearim. Tuata in butá mita inta inogoi kon motoḷuadí mita inta kon bonu in suku i Benyamin sin binaḻí kapunyaan monia.

HAKIM MITA 4:4

Kon dodai intua intau inta nobaḻí itoi kon Israel in nabi bobay tobatú. Ki Debora in tangoinea, ki buḷoi i Lapidot.

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 1:19

Nopoikoḷomai kon singgai ki Elkana takin motoḷuadínea nobangon doḷo-doḷom, bo naonda in noibada kon i Tuhan, nobuidon in mosia kon Rama. Dá ki Elkana in nosiugdon noyotakin i Hana, ki buḷoinea tatua, bo sinubagan i Tuhan in sambayang i Hana.

SAMUEL 1 22:6

Kon singgai tobatú ki Saul ḻimitú mako kon siungonmai in kayu tamariska kon tudu in buḷud kon Gibea; sia in nokadai mako kon pandongnea bo bayongan in porwiranea sinimindog kon ḻibunea mita. Naonda in kinotaauannea kon tampat i Daud bo intaunea in kinotaauandon,

SAMUEL 1 25:1

Diá noonggot kon tua minatoi in ki Samuel. Bayongan intau in Israel noyosipun sin tumakin kon upacara pinonogumatoian. Onda intua iḷobongdon in sia kon baḷoinea kon Rama. Nopaḷut mako kon tua ki Daud minayá in padang gurun Paran.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.