HAKIM MITA 4:22 - Alkitab Singog In Mongondow Masa In Tanaa

²² Naonda in ki Barak namangoi notayak kon i Sisera, sinontomu i Yael in ki Barak bo poḷat noguman kon inia, “Igai bá tundúon ku kon inimu in intau inta tayakonmu tua.” Ki Barak sinumuot noyotakin i Yael, bo inontongneadon kon ki Sisera in minatoidon, noiukat mako kon butá bo noipatokpa doman mako kon koibingnea in patok in ḷoḷaigan.

HAKIM MITA 4:22 Mawu Ofanana

SAMUEL 2 17:3

Táe bayongan in intaunea in daitonkubí diaan mangoi kon i Tuangku naonda bo nonikaan bobay mobui mangoi kon i buḷoinea ḷoḷaki. Sin koibog i Tuangku in tongábí nyawa in intau tobatú? Ibanea in diábí onu-onuon.”

HAKIM MITA 4:21

Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.

HAKIM MITA 4:23

Singgai tua ki Tuhan in nopountung kon intau in Israel kon i Yabin, datu in Kanaan.