HAKIM MITA 4:20 - Alkitab Singog In Mongondow Masa In Tanaa

²⁰ Bo ki Sisera noguman kon i Yael, “Bayádon sindog kon tayowon ngara in ḷoḷaigan. Aka oyúon in intau mamangoi bo moḻibó kon inimu mongo oyúon in intau kon naa, yo diá in kamako.”

HAKIM MITA 4:20 Mawu Ofanana

SAMUEL 2 17:20

Intau mita inta pinotabá i Absalom namangoi in baḷoi tatua bo noḻibó kon bobay tatua, “Kon onda in ki Ahimaas bo ki Yonatan?” “Bagupabí in mosia minayá iḷumoḷan kon ongkag,” tubagnea. Sinayakdon monia in tayowmobiag doyowa tatua, táe diábí nouḻí monia, bo nobuidon in mosia kon Yerusalem.

HAKIM MITA 4:19

Guman i Sisera kon i Yael, “Ogoiaipa in akuoi in tubig topiḻik inumonku; morogang in akuoi.” Dá binukádon i Yael in botutu kuḻit tampat in susu, bo pinoinumnea in ki Sisera, onda intua bui kinoḷobannea in toipoi.

HAKIM MITA 4:21

Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.