HAKIM MITA 4:18 - Alkitab Singog In Mongondow Masa In Tanaa

¹⁸ Naonda in ki Sisera namangoi, sinontomu i Yael in sia poḷat noguman, “Igai Tuang, tuotdon kon bonu in ḷoḷaiganku; dikadon moondok.” Dá sinumuotdon in ki Sisera kon bonu in ḷoḷaigan tatua bo kinoḷoban i Yael in toipoi in sia sinbá moibuni.

HAKIM MITA 4:18 Mawu Ofanana

DATU MITA 2 6:19

Ki Elisa in namangoi kon i monia bo noguman, “Moiko nion in noiḷangkam. Naa in deemanbí kotá inta sinayak monimu. Koḻigai dudui kon inakó bain atodonku kon intau inta sinayak monimu.” Bo inatod i Elisa in mosia kon Samaria.

HAKIM MITA 4:17

Bo kon dodai intua ki Sisera minayádon noḷagui kon ḷoḷaigan i Yael, ki buḷoi Heber, intau in Keni tatua. Sin, ki Datu Yabin nongkon Hazor noyobayat in inanakan in motoḷuadí i Heber tua.

HAKIM MITA 4:19

Guman i Sisera kon i Yael, “Ogoiaipa in akuoi in tubig topiḻik inumonku; morogang in akuoi.” Dá binukádon i Yael in botutu kuḻit tampat in susu, bo pinoinumnea in ki Sisera, onda intua bui kinoḷobannea in toipoi.