HAKIM MITA 4:16 - Alkitab Singog In Mongondow Masa In Tanaa

¹⁶ Ki Barak nogaḷow kon kereta mita in parang bo tontara mita in musung tatua nodapot kon Haroset-Hagoyim bo bayongan in tontara i Sisera tatua iḻimodnea; diá tobatúmai in pinomayánea mako nobiag.

HAKIM MITA 4:16 Mawu Ofanana

MAZMUR 104:35

Biódon mako in intau binaradosa moinggamá kon dunia naa, biódon mako in intau moraat modait moyopú. Dayowdon in ki Tuhan, ei dimukudku! Dayowdon in ki Tuhan!

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,

MAZMUR 83:9

Asyur in dinumugang domandon kon i monia, nobaḻí intau inta pinirisaya in buí i Lot.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

YESAYA 43:17

Sia in nopotabá in tontara bo porwira-Nea mita noparang, bo mosia in minayá nomaké in kereta inugut in kabaḷo. Táe noḷabú in mosia, diádon nokobangon bui, mosia in minatoi naonda bo sumbu inta nopiong.

SURAT I PAULUS KON JAMAAT RUM 2:12

Intau mita inta deeman bangusa in Yahudi binaradosabí doman umpaka mosia in diá monotaau kon hukum agama Yahudi. Dá mosia in hukumonbí tongá diá pinodoyon kon hukum tatua. Táe intau mita in Yahudi binaradosa naonda in kinotaauan monia in hukum tatua. Dá mosia ihukum pinodoyon kon hukum tatua.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

HAKIM MITA 4:17

Bo kon dodai intua ki Sisera minayádon noḷagui kon ḷoḷaigan i Yael, ki buḷoi Heber, intau in Keni tatua. Sin, ki Datu Yabin nongkon Hazor noyobayat in inanakan in motoḷuadí i Heber tua.

HAKIM MITA 4:2

Dá pinomayádon mako i Tuhan in mosia sinaḷow i Yabin, datu in Kanaan inta kon kotá in Hazor in kinoḻitúannea. Panglima in tontaranea in ki Sisera inta nogutun kon Haroset-Hagoyim.