HAKIM MITA 3:8 - Alkitab Singog In Mongondow Masa In Tanaa

⁸ Dá ki Tuhan sinumorú kon umat in Israel, bo pinomayá-Neadon mako in mosia sinaḷow i Datu Kusyan-Risyataim nongkon Mesopotamia. Waḷu notaong in koonggotnea in datu tatua nongawasa kon i monia.

HAKIM MITA 3:8 Mawu Ofanana

KINOBAḺIAN 24:10

Bobantung tatua in nogamá kon unta mopuḷú takin noyagi-yagimai in barang inta koboḻi kapunyaan i tuangnea bo nobuat minayá in kotá tampat pinogutunan i Nahor kon tungkuḷ in nobiagpa; tampat tatua noiukat kon dotá in utuan Mesopotamia.

MAZMUR 106:41

Dá inogoi-Neadon in mosia kon bangusa mita pinomayá-Neadon mako in mosia kinawasa in musung.

MAZMUR 129:1

Dondong mayá in Baḷoi Tuhan. Israel, pogumandon mongo naonda in pinomomogutú in musung kon inimu pinangkoi kon iko nobagupa.

MAZMUR 44:12

Pinomayá-Mu mako in kami in sinotad naonda bo domba, bo pinorarit-Mu in kami kon yua-yuak in bangusa mita.

MAZMUR 6:1

Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

MAZMUR 85:3

Inampungan-Mudon in dosa mita in umat-Mu; imaapan-Mudon in bayongan in taḷánea.

IḶUAIAN 22:24

Tumorú in Akuoi bo moḻimod kon i monimu kon bonu in parang, modapot in ki buḷoi monimu mita mobaḻídon dongka boba-bobay, bo ki adí monimu in mobaḻídon diá ko amá.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

HABAKUK 3:7

Inontongku in rayat in Kusyan inaputan in ondok, bo intau in Midian urot mako.

SURAT I PAULUS KON JAMAAT RUM 7:14

Kinotaauanbí naton kon hukum in agama Yahudi tua in nongkon Rohobí i Allah; táe akuoi in tongábí intau ilo-ilow. Akuoi ain pinotaḷui mobaḻí ki ata in dosa.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

HAKIM MITA 3:9

Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)

HAKIM MITA 4:9

Ki Debora notubag, “Mopia, dumudui in akuoi! Táe pokotorop, deemanbí iko in mokouḻí kon kahoromatan. Popototoidon kon bobay tobatú ki Tuhan monaḷow kon i Sisera.” Dá nobuatdon in ki Debora noyotakin i Barak minayá in Kedes.

SAMUEL 1 12:9

Táe noiduduimai kon tua mosia in nokoḻiongdon kon i Tuhan, Allah monia, tuamai in pinomayáneadon in mosia sinubu bo sinaḷow i Sisera, panglima in tontara kon Hazor, bo in intau mita in Pilistin takin datu in Moab.