Dika momia kon dodandian takin bangusa kon butá tatua, sin kon dodai in mosia mosumba bo moposumba in kuruban kon ilah mita monia, mosia in monongganutbí kon i monimu, bo moiko in dumuduibí.
Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.
Ki Tuhan Inta Totok in moḷantud nopotabá kon inakó mopotaau in koyow tanaa kon Yerusalem, “Ei Yerusalem, iko in pinononggadí kon butá in Kanaan. Ki amámu intau in Amori bo ki inámu intau in Het.