HAKIM MITA 3:31 - Alkitab Singog In Mongondow Masa In Tanaa

³¹ Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

HAKIM MITA 3:31 Mawu Ofanana

KORINTUS 1 1:17

Akuoi in pinotabá mangoi i Kristus deemanbí mamangoi mobaptis, táe mamangoibí mopotaau in Habar Mopia. Bo deemanbí doman kapandoianku tontaní in pinakéku sinbá oyúon mangaḻe in kawasa nongkon kinopatoian i Kristus nongkon kayu pinoyotaḻempang.

HAKIM MITA 10:11

Ki Tuhan notubag, “Koḻipod in moiko sinonggata in bangusa Mesir, Amori, Amon, Pilistin, Sidon, Amalek bo bangusa in Maon. Bo kon tungkuḷ intua moiko nokuani nokituḷung kon i-Nakó, degá natua ma? Tungkuḷaika torop, mongo diá pinosaḷamat-Ku in moiko nongkon kawasa monia?

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

HAKIM MITA 10:7

Tuamai in sinumorú in ki Tuhan kon umat in Israel, dá pinomayá-Neadon mako in bangusa in Pilistin bo bangusa in Amon nongawasa kon i monia.

HAKIM MITA 15:15

Onda intua nokouḻí in sia kon tuḷan ayoi in keledai inta nobagupa. Pinuyutnea in tuḷan tatua, bo pinakénea noḻimod kon intau 1.000 in kobayongnea.

HAKIM MITA 2:16

Nopobui-buimaidon in ki Tuhan nobogoi in itoi kon i monia sin moḷongasi ḷumuat kon musung mita inta mamangoi mogagow.

HAKIM MITA 3:30

Singgai intua Moab sinaḷow in Israel, dá noaman bo nobiagdon notompia in butá tatua waḷu nopuḷú notaong in koonggotnea.

HAKIM MITA 4:1

Naonda in ki Ehud minatoi, bangusa in Israel binaradosadon bui kon i Tuhan.

HAKIM MITA 5:6

Kon dodai in ki Samgar, adí i Anat, bo kon dodai doman i Yael, diábí in kapilah kon dunia, diábí in intau tongá modondaḷoi magí-mako kon daḷan moḷoben.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

SAMUEL 1 12:9

Táe noiduduimai kon tua mosia in nokoḻiongdon kon i Tuhan, Allah monia, tuamai in pinomayáneadon in mosia sinubu bo sinaḷow i Sisera, panglima in tontara kon Hazor, bo in intau mita in Pilistin takin datu in Moab.

SAMUEL 1 17:47

bo bayongan in intau kon naa in mokoontongdon kon ki Tuhan in diábí moparaḷu kon kedang andeka pandong in moposaḷamat kon umat-Nea. Siabí in monantú kon daḷan poparangan tanaa bo Sia in moposarakan kon i monimu kon bonu in kawasa nami.”

SAMUEL 1 17:50

Ki Daud noribatuk minayá kon i Goliat, bo sinimindog kon diugneamai; ginamánea in kedang i Goliat bo irabutnea nongkon gumánea, bo pinongkóneadon in uḷu in intau in Pilistin tatua. Natuata in pinononaḷow bo pinoḷoḻimod i Daud kon i Goliat, tongá nomaké in katipol bo batu! Naonda in intau in Pilistin nokoontong kon tontara monia inta totok in mobarani bo motorindog tatua minatoidon, noḷaguidon in mosia.

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.