HAKIM MITA 3:29 - Alkitab Singog In Mongondow Masa In Tanaa

²⁹ Kon pinoparangan tatua mosia noḻimod kon intau degá 10.000 in tontara in Moab inta mongopia moparang; diá in nokoḷagui.

HAKIM MITA 3:29 Mawu Ofanana

MAZMUR 17:10

diábí kotaauan monia in motabi bo mododia in mosingog.

ULANGAN 3:18

Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

HAKIM MITA 3:17

Bo minayá nobogoi in iba in umat israel kon i datu Eglon. Ki datu tatua in moḷongó totok.

HAKIM MITA 3:28

“Dudui kon inakó,” gumannea kon i monia, “Ki Tuhan ain nonaḷow kon intau mita in Moab, mosia kon bonudon in kawasamu.” Dá kon bonu in tongganut i Ehud, nosiḻigdon in intau mita in Israel tatua nongkon buḷud. Mosia in nogagow kon ḷoḷoḷanan in intau in Moab kon Ongkag in Yordan. Diá in tobatúmai in musung mita tatua pinomayá mako iḷumoḷan takin nosaḷamat.

HAKIM MITA 3:30

Singgai intua Moab sinaḷow in Israel, dá noaman bo nobiagdon notompia in butá tatua waḷu nopuḷú notaong in koonggotnea.