HAKIM MITA 3:19 - Alkitab Singog In Mongondow Masa In Tanaa

^19-20 Táe ki Ehud tontaní in nogogai naonda in nodapot in batu mita inta sinokokurig kon diug in Gilgal, bo nobui minayá kon i Eglon. Kon dodai intua ki Eglon kon bonu in gopot inta moonow kon ḷundukan kon ḻimonik in komaḻignea. Guman i Ehud kon i Eglon, “Tuangku Inta Momulia! Ki atamu naa in nodia kon habar inta tongá ki Tuangku in motaau monotaau.” Dá ki datu noguman, “Oḷatpa muna,” bo sia nopotabá kon bayongan in bobantungnea iḻumuai nonaḷámai kon inia bo kon i Ehud. Onda intua, ki Ehud dinimiug kon i datu inta iḻimitú mako, bo noguman, “Oyúon in habar nongkon i Allah kon i Tuangku!” Nokodongogmai kon natua, sinimindog in ki datu.

HAKIM MITA 3:19 Mawu Ofanana

KINOBAḺIAN 45:1

Ki Yusup in diádon mokotahang kon ginanea kon tayowon in pogawainea mita. Tuamai pinotabáneadon in mosia nonaḷámaidon kon yuang tatua sinbá sia in motaaudon gumuman kon i utatnea mita tatua.

SAMUEL 2 13:9

Nopaḷut mako kon tua pinoḷuaineadon in kukis tatua nongkon pansi bo inoḷudnea. Táe doí in ki Amnon nongaan. Sia in noguman, “Pokiḷuaiaidon in mosia komintan nongkon naa!”

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

YOSUA 4:20

Kon tua ki Yosua nopoyoguntuḷ in batu mopuḷú bodoyowá inta ginamá nongkon Ongkag in Yordan.

HAKIM MITA 3:18

Naonda in nobogoi mako kon iba tatua, ki Ehud nopotabádon kon intau mita inta nomotaan kon doit buḷawan tatua nobui.