HAKIM MITA 3:15 - Alkitab Singog In Mongondow Masa In Tanaa

¹⁵ Táe naonda in umat Israel nokuani nokituḷung kon i Tuhan, inogoi i Tuhan in ki Ehud sin nopoḷuat kon i monia. Ki Ehud naa in ḻimanea koḷoigi in moropot; sia in ki adí i Gera nongkon suku Benyamin, bo sia tua inta biasamai mogatod kon i Datu Eglon kon iba inta musti uboḻian in umat in Israel.

HAKIM MITA 3:15 Mawu Ofanana

SAMUEL 2 20:10

Diábí inontong i Amasa in kedang kon ḻima koḷoigi i Yoab. Bo daḻídon in ki Yoab noponurak in kedangnea tatua kon sian i Amasa, dá bonu in siannea noibutak kon butá. Minatoi in sia kon dodai doman tatua, dá diá bidon paraḷu monumbuk bui in ki Yoab kon inia. Bo ki Yoab takin ki Abisai ai-ainea, in nongingguputdon nogaḷow kon i Seba.

SAMUEL 2 20:9

Ki Yoab in noguman kon i Amasa, “Onu in habar, yobayat?” ḻimanea koḷanan in nokadai kon kumi i Amasa naonda bo mongayok kon inia.

TAWARIKH 1 12:2

Mosia tua in nongkon suku Benyamin ná ki Saul. Mosia tua in mopandoi momiot in piot bo momakot – pinomayá ḻima koḷanan andeka ḻima koḷoigi.

TAWARIKH 1 8:3

Buí i Bela in ki Adar, ki Gera, ki Abihud,

TAWARIKH 1 8:5

ki Gera, ki Sepupan bo ki Huram.

TAWARIKH 2 9:24

Kon batúannea in mosia mamangoi kodia-dia in tombuinag kon i Salomo. Mosia in mobogoi in pakakat mita saḷaka, buḷawan, ḷambung, ḷoḷutam, pododungú mita, kabaḷo bo bagal. Natua in nobaḻí kon taongannea.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

MAZMUR 90:15

Ogoiaidon in kami in kamang mopia potongkaion in roriga inta binaba nami kon bonu in taong mita inta nororiga.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

AMSAL 19:6

Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

YESAYA 36:16

Dika indongogan in ki Hizkia! Akuoi, ki datu in Asyur moguman kon i monimu sinbá ḷumuai nongkon kotá bo tumungkud. Bain moiko motaau mokaan kon bungai in anggur nongkon gobámu tontaní, bo mokaan kon bungai in ara nongkon pangkoi in aramu tontaní, poḷat doman monginum kon tubig nongkon parigímu tontaní,

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

HAKIM MITA 2:16

Nopobui-buimaidon in ki Tuhan nobogoi in itoi kon i monia sin moḷongasi ḷumuat kon musung mita inta mamangoi mogagow.

HAKIM MITA 3:14

Mopuḷú bo waḷu notaong in koonggotnea umat in Israel nobiag sinonggata i Eglon.

HAKIM MITA 3:16

Kon singgai tobatú ki Ehud nonontaḷ kon pitow inta noḷanit kon posiḷosi inta kobanatnea in gogió bo tongobotak in meter. Pinogabitnea in pitow tatua kon dotá in koḷanan tongá pinopobuninea kon ḷambungnea,

HAKIM MITA 3:9

Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.