HAKIM MITA 3:11 - Alkitab Singog In Mongondow Masa In Tanaa

¹¹ Dá nobiagdon noaman bo notompia in butá tatua kon bonu in opat nopuḷú notaong in koonggotnea. Onda intua minatoidon in ki Otniel.

HAKIM MITA 3:11 Mawu Ofanana

TAWARIKH 1 4:13

Ki Kenas in kogadí kon ḷoḷaki taya dua inta ki Otniel bo ki Seraya. Ki Otniel in kogadí doman kon ḷoḷaki doyowa, inta ki Hatat bo ki Meonotai.

NEHEMIA 9:28

Táe naonda in butá monia noamandon, baḷúdon in mosia nogaid bui kon dosa. Dá pinosarakan-Mudon bui in mosia kon musung inta nondorot kon i monia. Tongá kon dodai in mosia nosadardon bo nomanasaḷdon totok, nomaḷú in mosia kon ini-Mu nopoigum sinbá posaḷamaton. Dá nongkon soroga Inindongogan-Mu, bo binui-buimai sinuḷungan-Mu, sin noḻiai in gina-Mu kon i monia bo notabi totok.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

YOSUA 11:23

Bayongan in butá tatua inagow i Yosua pinodudui kon parenta i Tuhan kon i Musa, bo inogoi kon intau in Israel nobaḻí kapunyaan monia. Butá tatua in sinila-silai, bo batúan in suku nokouḻí kon tongosilai. Bangusa Israel nogogaidon noparang bo butánea in noaman bo nobiag notompia.

YOSUA 15:17

Ki Otniel, adí i Kenas inta ki utat i Kaleb, nogagow kon butá tatua; dá inogoi i Kaleb in ki Akhsa pinobuḷoi i Otniel.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

HAKIM MITA 3:12

Umat in Israel buidon binaradosa kon i Tuhan, dá binaḻídon i Tuhan in ki Eglon, datu in Moab, moropo-ropot nongkon Israel.

HAKIM MITA 3:30

Singgai intua Moab sinaḷow in Israel, dá noaman bo nobiagdon notompia in butá tatua waḷu nopuḷú notaong in koonggotnea.

HAKIM MITA 3:9

Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

HAKIM MITA 8:28

Intau in Midian diádon mokopongonu; mosia in sinaḷowdon in intau Israel. Dá noamandon in butá tatua kon bonu in opat nopuḷú notaong in koonggotnea kon dodai in ki Gideon nobiagpa.